名古屋亞運·亞運汗與夢系列｜轉項轉出新高度 400米飛人兼欄王陳俊浩 更強心態再戰亞運
由跳高、跳遠起步，到跑遍100至400米短跑途程，陳俊浩在「泰坦地」上度過高低起跌，一度因失去動力而放棄，再因緊張在上屆杭州亞運失準跑不出應有成績。如今經過歷練，心態放開，俊浩帶上在400米和400米欄寫有自己名字的香港紀錄薄出發，以更強大、成熟的心態踏上名古屋亞運征途。
由田項起步跑盡短跑途程
與如今的「飛人」形象不同，現在是屈臣氏田徑會一員的陳俊浩笑言小學時因「跑得慢」，田徑生涯由跳高及跳遠開始；直到中二因「戥腳」才轉跑跨欄，自此開啟短跑生涯。中四時他曾在學界D1勇奪跨欄銀牌，正當外界以為他升上甲組後將大展拳腳之際，疫情卻令學界生涯戛然而止。他隨後亦因備戰DSE及疫情沒有比賽而失去動力而失去動力，一度放下田徑轉投籃球與健身，飛人之路險些就此告終。
而他重投田徑的契機，竟與當初轉項如出一轍：「嗰陣讀副學士，師兄師姐就話跨欄差一兩個人，跟住佢哋就話我都有玩開跨欄，不如就我玩下。就係咁樣之後就再去練返。」他笑說：「感覺係唔夠人就叫我玩囉。」當時他找回昔日恩師鄧漢昇，對方亦爽快歡迎他歸隊。重返泰坦跑道，陳俊浩發現自己心態更為享受，技術亦有所突破：「冇練一年感覺新鮮咗，同埋嗰陣去咗健身、打波，停咗一排跑步反而技術上好似好咗。當然係因為前面有練，跟住再返返嚟，好似好多嘢都做得好好多，反而有呢個感覺。」
轉項轉出新高度 蛻變成400米飛人兼欄王
由110米欄到近年轉攻400米及400米欄，陳俊浩直言全賴教練鄧漢昇洞悉其潛力：「覺得佢睇得好準，由中學叫我跑跨欄，直到大學我都係跟佢指示，轉跑100、200米，再轉400、400欄，其實都係佢嘅指示，佢睇得出我嘅潛力。」轉項短短數年間，陳俊浩先後在2025年香港公開賽、全運會，以及2026年全國大獎賽與世界田聯洲際巡迴賽銅級賽連破香港紀錄；他更跑出46秒91的佳績，成首位在400米跑進47秒大關的港將。這不僅印證了鄧漢昇的慧眼識珠，更證明陳俊浩的極限遠不止於此。
歷經杭州亞運失利 以更強更沉穩再戰名古屋
回顧上屆杭州亞運，陳俊浩在200米初賽僅跑出22秒12，遠遜於當時個人最佳成績21秒39。他難掩失望，坦承當年因過度緊張而失準：「嗰陣好緊張，第一次個台係360度坐滿晒人，唔識講嗰個感覺，總之就緊張到諗唔到嘢，淨係自己喺度諗陣間點做。」
歷經4年沉澱，今屆名古屋亞運陳俊浩轉戰400米及400米欄，更已在香港紀錄簿上刻下名字。重回昔日受挫的大賽舞台，他如今顯得從容許多：「隔咗4年對於訓練同比賽嘅掌握多咗好多，好清楚訓練或者比賽時要做啲咩嘢。心態上就平常心，學識咗享受，唔係淨係追住成績同結果。」他補充：「成績固然重要，但我諗法係訓練已經做足咗，成績自然會出到嚟。唔會比賽前諗要跑幾多秒，應該係諗我做啲咩嘢出嚟，自然就會有呢個成績。」陳俊浩亦透露，參考亞運往績，期望400米欄能跑入49秒中段力爭決賽席位，400米則盼能再創新猷，跑出46秒半左右再刷新港績。
記者/攝影：魏國謙
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
