名古屋亞運·亞運汗與夢系列｜香港飛人背後的兩大支柱 陳俊浩感念恩師鄧漢昇與慈父同行
陳俊浩跑入名古屋亞運，不單單是他一個人在泰坦賽場上奔馳，他背後亦有兩人共同撐起一片天，一位是與他共事十年，合作無間的教練鄧漢昇；而另一位則是出心出力，遠走千里只為親身支持他的爸爸，兩人為俊浩的田徑生涯注入重要的力量。
與鄧漢昇十年師徒情 強韌心理煉成飛人
鄧漢昇由中學教練到現在成為陳俊浩的私人教練，二人合作近十載，除了察覺他在400米和400欄的天賦果斷轉項外，陳俊浩也對阿昇的提前規劃感佩服：「阿昇已經話我最後都會跑400欄而家就跑住先，佢係真係有計劃，唔係話一兩年就要建立好所有野，佢係有計劃地一步一步砌個拼圖。」
提到阿昇對他最大的影響是什麼時，陳俊浩則認為除了技術上，反而在心理韌性給他的影響是最大，他憶述當初轉項時因為訓練強度更大，經常練到「虛脫」想放棄，但阿昇會和他說要接受訓練和不可以讓情緒控制訓練，令他開始享受400米。
提到和阿昇最難忘的回憶，陳俊浩憶述起去年香港田徑公開賽破400米紀錄時：「難忘嘅位就係破完紀錄之後，阿昇落嚟就話：「跑得好呀，不過如果最後 100 米點點點，你就會跑得更加快啦。」呢樣嘢都直接證明咗佢追求唔係止於呢個位，同我追求同一樣嘢，就係想我更加快。」陳俊浩也笑指到跑出46秒時，阿昇也是先恭喜再點出那一個位置可以再好。
永遠的忠實粉絲陳爸爸
而另外其中一個對陳俊浩田徑路上幫助深遠的是他的爸爸，他大部分的比賽爸爸都會親身支持，提到爸爸的支持對他的幫助有多大時，陳俊浩未加思索直說：「極大！」他指：「因為真係大部分比賽佢都會嚟睇，除咗香港，海外甚至舊年德國嘅世大運佢都有嚟睇，就算佢嚟唔到，熱身時我都好多時同佢視像講兩句，傾完反而係安心咗。」
由小學開始投身田徑，爸爸便一直支持他，陳俊浩憶述起去年世大運：「當時因為第一次參加世界性賽事，我就有啲緊張，出場嘅時候看台同出場中間有個通道，我一入去佢已經錄緊片，然後我嗌我個名，嗰下真係一下就定咗落嚟。」他也笑指爸爸雖然未有玩過田徑，但是也會點出他一些東西可以做得更好，像第二個教練一樣。
接受競爭共同提高香港水平
作為香港400米和400欄紀錄保持者，其他跑手已開始以陳俊浩為追趕與競爭目標。然而俊浩對此不僅毫不介懷，反而樂見其成，認為這樣可提高香港田徑的競爭力，他更指為受惠於近年資源及配套不斷完善，本地田徑水平正穩步上揚。
手握400米和400欄香港紀錄的陳俊浩，相信已成為眾多本地跑手的目標和競爭對象，對此陳俊浩反而樂見於此：「田徑呢個運動就係要超越，以我為目標去超越我覺得幾好，我都想香港400 米同 400米欄喺亞洲多啲競爭力。」而提到本地的田徑發展，陳俊浩則認為整體逞上升趨勢：「見到好多香港紀錄都係呢一兩年破到，資源配套一路有去改，搞多咗教練技術會議，今年又搞咗個銅標賽，令到成個香港水平高咗。」
陳俊浩：要享受訓練享受比賽
陳俊浩在田徑領域深耕超過10年，提到練跑最重要的心態是什麼時，他則認為要享受這個運動才是最重要，他以400米為例子表示：「真正要識得去享受個訓練、享受個比賽，你自然就會堅持到，唔係一味諗幾辛苦。雖然 400米一定辛苦，但唔使咁多投訴，希望大家享受成個比賽過程。」
記者/攝影：魏國謙
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
