許鞍華反對電影市道差說法：講咗30年 勸業界勿沮喪 以正面態度面對

導演許鞍華、田啟文（田雞）、朱晨麗（朱朱）、陳庭欣（Toby）、許嘉豪、練樂儀及古佩玲等昨晚出席電影《歡迎來龍餐館》。許鞍華透露最近忙於劇本工作。早前她獲第31屆釜山國際電影節「山茶花獎」，她分享感受：「我覺得今次攞比以前高興，因為有少少，更加老啦，就名正言順。」她表示當日會出席。

許鞍華對「市道差」另有一番見解

談及「市道差」三個字，許鞍華另有一番見解，覺得大家不應提及「市道差」。她說：「其實話電影差已經講咗30年，咪一樣有得拍。大氣候冇辦法，但係心態一定可以改變。唔好咁沮喪，要睇空檔有咩題材係拍得，場面大都未必得於冇得拍。」

導演許鞍華昨晚出席電影《歡迎來龍餐館》。

許鞍華堅持科技未必搶了演員飯碗。

她覺得大家不應提及「市道差」。

許鞍華指大氣候冇辦法，但係心態一定可以改變。

釜山影展公布將頒發山茶花獎給許鞍華。

田啟文向成功的電影取經。

田啟文陪太太煲劇欣賞朱珠。

田啟文嘗試AI短劇。

最近田雞剛完成了《天光戲》。

田啟文熱愛電影。

同場有黃建東。

仲有古佩玲。

AI未必搶演員飯碗

講到近期A.I.熱潮，許鞍華表示科技未必搶了演員飯碗，反而使用恰當就能幫助到電影製作。她說：「譬如近排有套係A.I.同真人溝埋嘅電視劇。」她續指，不會抗拒用A.I.製作。問會否擔心演員被替代？她回答：「A.I.直頭代替咗，啲演員會擔心用咗佢把聲，個樣就唔使佢，但係諗得好，就係佢唔使去，慳返啖氣。」她也認為，A.I.製作並不會完全取代電影，因為「睇電影」已成為人們生活中娛樂節目的一部分。有A.I.製作是好事？她回答：「我唔敢講，但係個潮流嚟咗，只可以用正面啲態度去面對，一定有好處嘅。」

田啟文陪太太煲劇欣賞朱珠

田啟文表示向成功的電影取經。他說：「好收得，所以咪要嚟學習吓。（你唔使啦）要嘅，收得嘅要學習，唔收得嘅都要學習。好睇嘅要睇點解好睇，唔好睇嘅要睇點解咁唔好睇。」近年內地劇集在港爆紅，他坦言未有時間研究，反而太太較熱衷於煲劇：「好似嗰個《蜜語紀》，佢咩都睇嘅，成間屋得兩個人，咪要陪佢睇囉。」他又透露，因為太太對劇中演員有印象，所以才花時間煲劇。「尤其朱珠臉上面有兩個酒粒，又幾得意。」田啟文表示，如果有合作空間當然歡迎。

田啟文嘗試AI短劇

田啟文也表示，現時正在嘗試AI短劇的製作。他說：「喺度搞緊，諗吓試吓有冇空間。」他亦表示，最近剛完成了《天光戲》，說：「關錦鵬做監製，而家新嘅賀歲片係陳茂然做監製，個名真係唔知⋯⋯咪林峯男主角，仲有阿Sa。」他也透露，想改變戲路，說：「唔知㗎，總之唔好成日都係嗰隻囉。」說回他和太太相處，記者提議他做霸總𠱁老婆。他說：「霸總都可以諗吓，我都好少做。（畀老婆睇）佢成日都畀啲反面教材我，叫我唔好亂諗咁多，唔好做咁多。」