香港小姐2026丨冠軍袁絲珩奪獎難以置信最想打邊爐 亞軍鄧匡閔爸爸給予100分

香港小姐2026／港姐2026／香港小姐2026決賽丨TVB選美盛事《2026香港小姐競選》決賽已於今日8月30日順利誕生三甲，冠軍為1號袁絲珩、亞軍為8號鄧匡閔、2號李澤欣奪得季軍暨最上鏡小姐，而友誼小姐是3號李澄晴。四人在賽後現身《一周星星》接受訪問，難掩興奮激動之情，而三甲得主的家人亦有到場打氣，場面感人。

冠軍袁絲珩奪冠後打邊爐

當被問到奪冠感受時，冠軍袁絲珩坦言感覺「難以置信」：「其實頭先經歷咗係咪兩、三個鐘嘅時間，跟住之後去到最後宣布嘅時候，我都冇意識到，原來要宣布冠、亞、季啦。到講我自已名嘅時候，我係好驚訝啦，都好開心。」袁絲珩在台上提到父母，再次向二人表示致謝。袁絲珩的媽媽稱讚女兒：「佢今日表現得好大方，同埋好自信，好叻女。」袁絲珩又自爆肚餓：「好想打邊爐」。

三甲得主及友誼小姐在賽後現身《一周星星》接受訪問。

亞軍鄧匡閔獲獎難以置信

而奪得亞軍的鄧匡閔整晚表現淡定，鄧匡閔表示今晚的目標原本只是放鬆參賽、享受舞台，沒想到能奪得殊榮，對得獎同樣覺得難以置信。鄧匡閔的爸爸對女兒的表現大讚：「非常好！都可以，畀一百分啦。係爸爸嘅眼裏面永遠都一百分㗎嘛！」

雙料季軍李澤欣母親感滿足

至於雙料季軍兼「最上鏡小姐」的李澤欣感性地表示12位佳麗一路走來都不容易，認為大家的成績都是實至名歸，並想對所有佳麗說聲「辛苦啦」。而李澤欣的媽媽見證女兒慢慢變得自信：「佢辛苦啦，佢嘅努力，我哋一路都睇住佢好，慢慢慢慢變得好自信，有今日，媽咪已經好開心、好滿足。」

「友誼小姐」李澄晴後台爆喊

奪得「友誼小姐」的李澄晴笑言聽到三甲得獎名單時，在後台激動到喊：「我覺得12位都係好優秀」。被問到用零食「攻陷」佳麗獲獎，李澄晴笑稱：「我覺得而家佢哋要請返我哋食飯囉。」