周殷廷借拍戲為名邀請杜德偉做嘉賓 17年前被「叮」視恥辱終登紅館圓夢
周殷廷（YT）《Yan Ting 周殷廷 The Alchemist Live 2026》一連兩場演唱會於日前（8月29日）晚結束。有歌星演唱會以勁歌熱舞作招徠，有人以一個「情」字為主題，而這位初踏紅館舉行演唱會的YT周殷廷，則以「自己」為出發點，以電影方式向觀眾，用倒敘方法講述有關自己的故事。除與頭場內容重疊的部分，特別值得一提的是，尾場（第二場）邀請了一位看似毫不相關，但卻有深厚淵源的嘉賓——杜德偉。
周殷廷女友梁雅琳隱身觀眾席
尾場除了座上客，陳志雲與友人、魏浚笙（Jeffrey）與女朋友、「着兩條褲」的廿四味Brian一家，YT周殷廷的女朋友亦是睇足兩場的座上客，但可惜的是，梁雅琳（Hilda）選擇低調地睇騷，默默地隱身於觀眾席上支持，而沒有露面。而為甚麼會邀請杜德偉做嘉賓？YT周殷廷在台上及訪問中也透露，他是嘉賓之中最後的最後的「一塊拼圖」。兩人相識可追溯至2009年台灣《第五屆超級星光大道》百人初選。當時杜德偉是評審之一，周殷廷唱《我會好好過》後未能過關。他後來憶述，淘汰後，大膽曾在場外截停杜德偉的車，表明終有一日會成為歌手，並得到對方鼓勵。
周殷廷憶比賽恥辱一幕
當然，YT周殷廷邀請杜德偉擔任嘉賓，並不是為了炫耀，而是因着當年賽後，YT周殷廷受到杜德偉鼓勵的一段對話。他受訪時說：「話說，我哋係有證據show到Alex當時冇叮我。（冇睇返條片？）我唔夠膽，因為係一個我自己好羞恥嘅一樣嘢。」他續言，當天被淘汰後在場外見到杜德偉的車，竟然衝上去截停了他的車，說：「我就係頭先就係第100名選手，我叫周殷廷。我想同你講，終有一日我一定會做到歌手。」也得到了杜德偉的鼓勵：「你加油！」之所以在台上和訪問中重提這段經歷，就如他今次的演唱會主題一樣，面對自己的心魔。「要克服呢個心魔，就要喺最大嘅舞台上面攞出嚟，畀大家知道要勇敢去面對。」
周殷廷借拍戲為名邀請杜德偉
杜德偉在台上也大爆被YT周殷廷邀請做演唱會的趣事，笑言當時YT周殷廷與一位監製拿着電影劇本與他接洽，幾日後才邀請他做演唱會嘉賓。杜德偉笑言：「唔做嘉賓咪冇戲拍？」惹得全場大笑。訪問中，YT周殷廷也解釋：「因為嗰時監製有個角色想搵佢傾，咁第一日我又唔識佢，咁我唔想第一日就搵佢做嘉賓，好奇怪。佢非常之nice，傾完之後，熟絡咗，講完之後先話8月尾有個演唱會，所以非常非常之感激佢。（好似逼佢做嘉賓咁？）好似有少少？係啦，所以我會請佢食飯。」問到女朋友有沒有捧場，他回答：「有呀，其實今晚好多新加坡朋友飛嚟睇，身邊最close嘅朋友，藝人朋友，大家都嚟撐我。我諗第一晚同第二晚都有，非常感激。女朋友就兩場都有，我覺得身邊嘅人支持好緊要。（佢低調？）其實我覺得，主力正常操作。（公開啲好啲）都係好正常操作，online都講晒，只係唔紅冇人理你。」
周殷廷曾受校園欺凌
演唱會《Yan Ting 周殷廷The Alchemist Live 2026》標榜「與自己和解」為出發點。演唱會後段，螢幕片段上出現一段，兒時的自己滿臉傷痕的畫面。他在訪問中也解釋：「我小學嘅時候，係俾老師同同學欺凌，其中一個晝面係俾同學一錘打落嚟，其實係造成一個好大嘅陰影。去到中學嘅時候就係俾同學欺凌，都係同返過去嘅自己和解。」最後問到，為甚麼演唱會沒有enocore部分，他也回答：「點解冇enocore？因為個故事就係咁樣完結，所以我哋要尊重返個故事。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
