陸浩明秘密籌備浪漫沙灘求婚 下跪斷片：腦袋一片空白 成功即向肥媽報喜

47歲TVB節目主持「6號」陸浩明昨日（28日）無預警宣布向拍拖14年的模特兒女友陳詩欣（Ayan）求婚成功，更指自己會用一萬倍嘅努力，令準陸太幸福快樂。

陸浩明為求婚準備好幾個月

6號回覆《星島頭條》時表示要多謝大家嘅祝福和恭喜，又指能求婚成功好開心：「其實為咗呢次求婚，我都準備咗好幾個月，我知道Ayan就好鍾意浪漫，所以我諗下有咩地方可以好浪漫，我哋又從來未去過馬爾代夫，不如去嗰度安排一個沙灘，佈置好啲心心，食一個燭光晚餐之前就同佢求婚，就揀咗呢個地方進行我嘅秘密求婚。」6號又指在出發之前到求婚當日，心情好緊張：「我諗我咁大個仔都未試過咁緊張，後嚟我都問返Ayan，我話去緊旅行嘅時候，有冇估到我今次會同你求婚？佢話冇，完全冇發現，我覺得呢個驚喜我都準備得好成功。」

二人從來未去過馬爾代夫。

6號安排一個沙灘，佈置好啲心心，食一個燭光晚餐之前就同佢求婚。

Ayan收到意想不到的驚喜當然非常開心。

6號為咗呢次求婚，準備咗好幾個月。

二人大晒閃爆求婚戒指。

6號又指在出發之前到求婚當日，心情好緊張。

6號笑言求婚成功後有向肥媽報喜。

陸浩明笑言情深說話未曾講

他又表示原本在求婚時已想了好多情深説話跟對方講，但到拎戒指跪低一刻，整個腦變到一片空白，什麼也想不到，只是記得問對方願不願意嫁給自己：「我淨係聽到佢講O K O K，好好好，咁我就完成咗成個求婚嘅過程，所以好開心，多謝大家嘅祝福，也祝大家甜蜜快樂。」而他笑言求婚成功後有向肥媽報喜，肥媽聽後也勁開心，又指肥媽早已叫Ayan做新抱仔，所以這杯新抱茶不能缺少肥媽。