涉港珠澳大橋口岸拍打女同事腰臀 高級關員自辯稱見事主疲累 曾輕拍背部關心問候

高級海關男關員涉嫌去年於港珠澳大橋海關大樓內，用手拍值班女同事的腰部及臀部，他否認非禮罪受審。裁判官黃士翔今早在西九龍裁判法院裁定他表證成立後，被告自辯稱當晚見事主看似疲倦，因此「我用手輕拍佢背部一下」，惟事主大反應地指「唔好掂我呀，唔好拍我呀」，被告便回應「對唔住，唔好意思」。被告強調「我覺得自己冇做錯」，平日與他人交談時亦會自然拍對方背部，因遭事主指控非禮而不愉快，重申「我唔會非禮任何女性」。

拍背問候疲倦事主卻被要求「唔好掂我呀」

現年48歲被告湯建聰自辯稱，自己於1995年5月加入香港海關，並於2021年3月升為高級關員，教育程度是中五畢業，另與妻子在2012年結婚。被告坦言，自己與事主X是普通同事關係，亦知道X與福利組的總關員是夫妻關係。在去年12月3日晚上10時許，被告在員工休息區看電視時，目睹X走進來清洗飯盒，被告指「我見到X好攰，成個人謝曬咁樣，咪打算問候佢一下」，隨後被告走近X，並站在X的右方。

被告供稱，在與X閒談間「我覺得佢可能因為工作太忙，所以搞到好攰，所以就安慰佢一下」，被告稱「我用手輕拍佢背部一下」，形容輕拍了X的「右邊背部中間位置」，其後X面向被告指「唔好掂我呀，唔好拍我呀」，被告回應「對唔住，唔好意思」。被告明言「我見佢咁大反應，大家一場同事，共事咗咁耐，禮貌上我都同佢講聲對唔住」，被告補充「我覺得自己冇做錯，不過我見佢反應太敏感」，因此才向X道歉。被告坦言，自己遭X指控非禮「我當然唔開心啦，我唔會非禮任何女性，我唔會非禮同我一齊做嘢嘅女同事，更何況佢係我上級嘅太太」。

不同意觸碰女同事背部屬敏感動作

被告在盤問下指，X清洗餐具的地點是盲點，但不同意觸碰女同事的背部是敏感的舉動，更不同意此舉會令她們感到不適。被告表示，「我有個小習慣」，在與他人交談時會「好自然拍背部關心下」。被告被問及，在接觸女性時是否要顧及她們的感受時，被告回應「我只係出於關心同事，我冇諗咁多」。被告另否認接觸X的腰部及臀部，否認X亦曾稱「你唔好咁樣拍我，我好不安呀」，被告更否認笑著回應「嘿嘿，係呀？你好不安呀？」。

被告湯建聰，否認於2025年12月3日，在赤鱲⾓港珠澳⼤橋香港⼝岸香港海關入境貨物檢查⼤樓的一間房內猥褻侵犯另一人，即X。

案件編號：WKCC1682/2026 
法庭記者：黃巧兒