Ian Hannz獲劉青雲教戲受寵若驚 Bosco試鏡豁出去拍枱爆粗

男團ZPOT成員陳廷羲（Ian Hannz）、關曉隆（Bosco） 昨日出席活動，同粉絲近距離互動，親手為粉絲塗上水光唇蜜，現場甜度極速升高！Ian Hannz最近與劉青雲合作拍戲，對於首次參與電影演出非常緊張，Ian Hannz說：「第一次拍戲，角色真實有層次，好有挑戰性，開心有機會同青雲前輩對戲，初時我哋你眼望我眼，青雲前輩主動畀意見我，同我講用咩節奏演，我哋見咗兩、三次之後，我就冇咁緊張，有機會獲得青雲前輩教戲，真係受寵若驚。」Bosco表示，自己都好有興趣學演戲，他說：「我嘅演戲老師係經理人Mary，之前試鏡都有練習，曾經一次試鏡演一個粗魯角色，我拍枱，粗口都講埋。」

組MIB三人小隊發展

Zpot當中三子Ian Hannz、Bosco、林卓彦（Marcus）組成三人小隊發展，早前更推出新歌MV《BAND》，他們表示，小組或將命名為MIB，Bosco說：「MIB個名係fans畀意見，用我哋嘅名合成。」Bosco表示感恩有機會以小組出現，他表示各成員都有不同機會，而今年亦會推出團歌 。Bosco 表示今次Rap詞由有份參與創作，隊友Ian Hannz則參與填詞，對二人來說均是新嘗試。Ian Hannz 則認為歌曲想帶出的訊息是：「不必跟大隊，不必跟公式」。

男團ZPOT成員陳廷羲（Ian Hannz）出席活動，親手為粉絲塗上水光唇蜜。

現場甜度極速升高！

男團ZPOT成員關曉隆（Bosco）同粉絲近距離互動。

好多Fans支持。

Ian Hannz（左）自言絕少沉迷玩手機，多數用於社交平台發帖。

Ian Hannz好似阿哥ANSONBEAN。

Bosco說：「之前去台灣拍外景要收電話，自己都好唔慣。」

指定動作畀心心~

Bosco講咗乜嘢令Fans咁害羞？