何伯離世丨何煊後事爆羅生門 傳8.26世界出殯 驚爆子女未拎死亡證隨時變家奠
「何伯」何煊在7月27日因肝癌離世，享年79歲，何伯的後事竟出現羅生門。近日網上流傳何伯將於8月26日在世界殯儀館出殯，不過昨日（20日）YouTube頻道「花生速遞」的主持開live則表示何伯離世時是由一位名叫「3000」的友人作為監護人簽紙並送入殮房，目前何伯的身份證正本，以及死亡證都在「3000」手上，但何伯的五名子女至今未聯絡過「3000」或社工索取相關重要文件，主持又稱會叫「3000」了解事件。
何伯臨終前曾希望與仔女和好如初
何伯曾因與「何太」葉秀定在2024年接受《東張西望》追討細女從銀行領走450萬元積蓄而成為網絡紅人。當時何伯為老婆不惜與五子女反目，何太更誓言要幫助老公，不過有關言論卻令外界譁然，更因此不時與網民及街坊起爭執。可惜，這段「忘年真愛」最後經歷家暴、官司及服刑，何伯今年6月確診肝癌並且生命在倒數，臨終前何伯曾說：「我想享受多啲，好好和好如初、過去嘅事晴天喇，好想大家去食吓嘢。」
網上流傳何伯將於8.26世界殯儀館出殯
自從何伯離世後，有關他的事件依然沒了沒完，尤其後事的安排，近日網上流傳何伯將於8月26日在世界殯儀館出殯，有網民在世界殯儀館的官方網頁上，有一個叫「何煊」的先人在8月25日守夜，翌日早上出殯，儀式是拜神。消息曝光後，在網上曾掀起不少聲音。曾有指何伯在臨終前兩日，有牧師到醫院為他洗禮，有網民質疑何伯的喪禮儀式是拜神：「佢唔係話洗咗禮咩？點解係拜神？」、「可能佢嘅仔女同佢搞呢？又或者同名同姓？」、「可能係五仔女最後都心軟，為表孝義，好好睇睇送佢最後一程。」但亦有人說：「同名同姓 唔係何伯。」不過有人稱：「有人代表細女發言，25號26號世界殯儀館舉殯。」當然亦有人討論「何太」葉秀定會否出席。YouTube頻道「花生速遞」主持昨日亦有談及事件：「『3000』係幫阿伯走去領取死亡證，仲要係領取咗兩份，有一份係預備畀佢啲仔女，但係到而家佢啲仔仲未contact『3000』或者社工就去攞死亡證嘅，我所知就係呢樣嘢啦，係冇攞過嘅。咁我哋都會睇下8月25號嗰度究竟係發生咩事。」
何伯8.26出殯依然是謎團
今日（21日）「花生速遞」繼續跟進事件，主持播出一段來自殯儀經紀的聲音片段：「我今朝就打咗去問，25號、26號出殯，個名叫的確係何煊，但係呢個係買入去嘅公司板嘅，即係等於唔經任何嘅棺材舖，係幫佢辦事嘅人自己走去世界殯儀館度租用呢個服務，可以喺家奠，即係冇遺體嘅。如果有心人幫佢去辦事，係真係我哋嘅何伯嘅話，可以唔需要出示任何文件，亦都可以靈堂裡面冇body，咁樣你做一個儀式，我哋嗰種叫家奠。但我哋覺得個機會好微，因為佢想做法事，因為我睇到佢係寫拜神，拜神即係指道家、道教嘅。如果係想打齋畀佢，根本唔需要用到殯儀館呢個租金，因為都比較貴。」目前登記冊上的「何煊」究竟是不是大家所熟知的「何伯」，依然是一個謎團。
一夜成名的何伯與何太狂爆金句：
何伯曾明言希望仔女找他兼出街
「花生速遞」曾播出一段何伯臨終前錄音，當時何伯氣若游絲、略為模糊不清地說：「我想享受多啲，好好和好如初，又想長命百歲，點解醫生話我生咗個瘤喺裡邊？我出返去都想行吓街咁先得，我唔出得街，冇可能呀，唉。我梗想啲仔女嚟搵我，出去行吓呱。一個人都有仔女，都想去行吓，我真係想開心…，我真係，我真係唔係自己困住自己咁耐，我都掛住佢哋，都唔知道乜嘢療程，醫生想我治療，但係我真係唔想。」何伯亦有談及大仔的名字，但以「嘟」聲遮蓋：「老竇瞓喺醫院，好想同你講嘢，同你傾兩句呀，個女都有…過去啲事睛天喇，啲日子過去喇，做女…啲嘢過去，掹返正，大家食多少嘢…冇辦法。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
