大媽離譜惡行辣㷫全網 疑衝門上車拋下幼子 石硤尾站4歲童月台爆喊 好心人代致電尋母竟傳來這句「神回覆」？｜Juicy叮
一名大媽疑因搭港鐵時心急衝門上車，竟拋下幼子將他獨留在月台。有乘客近日在網上發文，指在石硤尾站見到一名4歲男童在月台大哭，於是好心幫忙，代為打電話尋母。豈料為人母的竟然傳來一句極不負責任的「神回覆」，其荒謬冷血的態度旋即辣㷫全網。詳情見下圖及下文：
大媽離譜惡行辣㷫全網 疑衝門上車拋下幼子 石硤尾站4歲童月台爆喊 好心人代致電尋母竟傳來這句「神回覆」？逐張睇↓↓↓↓
4歲童月台大哭 驚揭大意媽媽獨自上車
樓主昨天（13日）在社交平台 Threads 以「生仔要考牌」為標籤發帖，講述事件經過：
「頭先石硤尾站搭地鐵見到月台有個大約 4 歲嘅細路喺度爆喊，我好心行埋去問佢係咪唔見咗媽咪。佢一邊喊一邊講，話媽咪自己跑咗去前面，上咗車走咗，留低佢一個。」
樓主隨即詢問男童是否知道母親的聯絡電話，男童便拿著一個寫有電話號碼的八達通牌遞給他。
阿媽竟要求幼子「自己搭下班車」
樓主立刻撥打電話尋人，詎料電話接通後，該名母親的回應卻讓人「火都嚟埋」：「我即刻打過去，點知個老母接通之後，竟然叫我同個仔講，叫佢自己搭下一班車去下個站，話佢喺下個站等返個仔。我一聽真係火都嚟埋，頂唔順直接爆佢：『你有冇搞錯呀？個小朋友得幾歲，你叫佢自己搭車？！』」
沒想到，該名母親不但不反省，反而開始在電話中計較時間，詢問樓主是否也是去同一個方向，並要求樓主「可唔可以順便幫手帶埋個仔過去」。
樓主拒絕非分要求
樓主對此深感不妙，直言：「我心諗，條友真係黐X線，萬一成條街啲人以為我拐帶兒童，呢條數點計先？最後我費事同佢癲，直接叫月台職員過來處理。」
為了不與對方繼續糾纏，同時保障男童安全，樓主拒絕了對方的非分要求，將男童交給職員協助。網民對樓主拒絕帶路的決定一致讚好，指出在現今騙案頻生的社會，保護自己同樣重要：「呢個年代，驚係騙案多啲。一陣帶咗佢個仔去搵佢，分分鐘屈返你轉頭。呢啲情況真係交畀職員好啲，費事佢屈你其他嘢」、「萬一有任何意外或者對方父母根本碰瓷，真係有理說不清！！！」
網民大怒：童年陰影記一世
該名母親的自私行徑震驚網民，大都痛斥其離譜：「大癲」、「4歲真係好細個，幼稚園中班嘅小朋友😭😭😭😭😭」、「嘩真心癲😵💫😵💫😵💫😵💫」、「有咩理由叫個4歲人仔搭去下個站？佢老母真係有病🤬🤬🤬🤬」。
有人更直言不滿：「嘩！真係有啲咁嘅老母！真係離晒大譜，你做得啱👍畀我都鬧X佢，黐Ｘ筋！sorry（對不起）！唔知點解睇完好嬲」。
不少網民心痛男童留下的心理陰影，直指這行為不應輕易放過：「嚇親個小朋友，媽媽唔要自己，童年陰影記一世㗎！正常阿媽實嚇到死，即刻撲返去接啦！仲講咁多！！」、「一個4歲小朋友畀老母掉低喺街度嗰種恐懼係會記一世！唔想湊仔就咪生！」
網民分享同類見聞：全家衝門遺下幼女
事件亦引發大批網民分享他們遇過的奇葩失職父母。有網民透露曾在港鐵鑽石山站目擊更離譜的畫面：「嗰陣時喺鑽石山...見到佢哋成家人衝入門口，然後留低咗個小妹妹喺出面月台」。
該網民與另一女途人帶著女童搭到下一站尋找家人不果，聯絡港鐵職員後，竟發現「去返本身上車嗰個站都冇人搵個小朋友」。女童表示家人應該是去到6、7個站之後太子站轉車再去荃灣，令網民大感無言：「我心諗...唔係咁黐線要搭到去太子定係荃灣先至等返個細路女？」
另一位網民分享在商場幫助迷路兒童的經歷，打通電話後，對方的母親卻冷淡地說：「叫咗佢唔好行我後面㗎啦！」然後「嗶哩嗶哩喺度吹水」，最後才施施然來到，令網民懷疑「佢阿媽好似係特登整唔見佢」。
人間有愛：全車合力救衝門BB車
不過，在這片令人氣憤的分享中，也有不少彰顯香港人守望相助的暖心事跡。有網民分享港鐵內的驚險一幕：「有個阿媽推住架BB車想衝入嚟，結果BB車入咗，佢喺出面」。
該名網民續指，全車乘客見狀雖然「O晒嘴」，但極度合作：「有乘客幫手扶住架BB車，再有乘客用對講機聯絡車長，講低BB喺邊卡車。車長知道就聯絡下個站嘅職員喺門度等，再叫下個站落車嘅乘客幫手推BB出車，即時有乘客話會推。」網民直言：「真心為香港人驕傲，通力合作。💪🏻💪🏻💪🏻」
網民：細個唔見咗姨媽 跟好心哥哥姐姐去食薯條
亦有網民回憶自己年幼時走失，幸遇好心人：「我細個係（幼稚園年紀）唔見咗姨媽，跟咗幾個好心嘅哥哥姐姐去麥記食薯條，再背屋企電話等人接。」
也有人曾在公園陪伴走失的5歲小童等外公，雖然最後外公回來時「可能以為我係壞人，帶住小朋友，就直接走了」，但該網民豁達表示「小朋友安全就得」。
看著現今父母的疏忽，有年過半百的網民幽默地感嘆時代真的不同了：「哈哈…時代真係唔同，小弟50+，當年6、7歲左右，喺佐敦失散咗，行咗一輪都唔見屋企人……索性自己搭3C返慈雲山，同司機講唔見咗屋企人，冇錢都畀我上。」
資料來源：723.owc＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
