一家8口食$2000庆生饭 阿哥“带妻儿工人”要求除两份 阿妹无奈求问：合理吗？ 网民化身精算师教分钱｜Juicy叮
一家 8 口早前外出享用约 $2000 的生日饭为父亲庆祝，岂料带同妻子、两小朋友、工人共 5 人出席的哥哥，找数后却要求与阿妹“除两份”平分帐单。阿妹在百思不得其解下，无奈上网求教网民：“大家觉得咁样合理吗？”大批热心的网民随即化身“精算师”列公式计数，为阿妹抱不平。详情见下图及下文：
一家8口食$2000庆生饭 阿哥“带妻儿工人”要求除两份 阿妹无奈求问：合理吗？ 网民化身精算师教分钱逐张睇↓↓↓↓
楼主：两小朋友约5-6岁
楼主昨天（12日）在社交平台Threads发帖，分享这宗家庭聚餐的尴尬经历：“想问下大家，我同屋企人一齐出街食饭庆祝爸爸生日，我哥哥嫂嫂有两小朋友（5-6岁） 计埋工人，总共有5个人，我计埋父母3个人，咁食完嘢埋单就大约$2000，我阿哥找完数之后同我讲张单要除2份，即系大约每人$1000，大家觉得咁样合理吗”。
网民怒斥：哥哥发钱寒
不少网民均站在楼主这边，并为她抱不平，留言痛批怀疑揾阿妹笨的哥哥自私、占便宜：“你哥发钱寒得好紧要！”、“做大佬两千都唔舍得畀唔好一家人出去食饭啦😅”、“虽然但是… 你哋总共8个人，一人一半即每人负责4人，所以你除咗负责你自己同父母嘅费用，连佢工人姐姐𠮶份都要畀埋😓”。
网民：细路仔计半份
有网民认真帮楼主计数，指出合理的分配方法应该是父母不计，其余大人按人头，甚至小孩计半份：“大人计一份，细路仔计半份”、“小朋友同父母唔计，除4份（阿哥阿嫂工人同你），但你阿哥要畀3份钱，你畀1份钱（$500），工人系你阿哥屋企请／用，点解要你负责埋佢膳食？你阿嫂更加唔使讲。”
也有人指不带工人的话，一人一半还勉强说得过去：“唔带工人嘅话除2都合理啲。带埋至少除3/4。利申我哋生3个出去食饭都可以唔带姐姐。同朋友食计人头，同辈亲戚计家庭，长辈睇佢哋想点，要我哋夹就夹，唔使就算。”
亦有不少网民分享了类似的家庭无奈，有网民大叹自己家中有着“一模一样”的情况，不过角色对调，每次家庭聚会都是由丈夫全单包办，叔仔从不主动夹钱，但她直言：
“一模一样～但我先生就从来无同叔仔讲要钱，话佢一个人唔使分得咁清，而叔仔都从来没谂过要夹返一份，每次家庭聚会，都系我哋找数，我觉得唔应该平分，但起码都夹份自己同父母𠮶份，兄弟感情好嘅，多有多畀，少有少畀，都会明倾，如果要计到小朋友食几多咁就不如以后都分开自己同父母食算喇～”。
网民化身“精算师”：大爆多个拆数方案
网民还化身“精算师”，为楼主列出各种最公平的拆数公式：
方案一：扣除父母，细路计半份（除5份）
有网民建议，扣除父母两位免费，两个小朋友当一个大人，加上哥哥、嫂嫂、工人及楼主，全单应除 5 份，楼主只需给 1份钱（即 $400）：“减去父母2个，除人头数，豪畀小朋友2位当一位 = 除5个，你只占一份！”
方案二：扣除父母，细路当一人（除7份）
网民指，如果父母那两份由两兄妹一人请一份，其余按人头计，两个小朋友当一个大人：“绝对唔合理啦，应该除 7人份 （2个细路当1人）。跟住爸妈个2人份就你同阿哥1人请1份，即系你畀2人份，佢畀5人份。”
也有网民更精确精算：“要计就均真啲，谂埋啲缩数，唔计你父母，叫佢畀2000/6*5🙄”、“total（总共）应该计7人份（2个细路当1个大人），你哥畀5/7，你畀2/7，父母佢都有分，所以一人 share（分担）一分。”
方案三：除 3 份（分开家庭）
另有网民认为，如果真的要计，也应该以家庭单位来计算：“就算要分，都系佢一家5口加埋老豆老母𠮶份，你同佢一人一半，即系佢 total 畀6个人钱，你畀两个，再计清啲都系分3份。”也有网民指：“若你哥没有带家人就除2，若哥嫂加工人，应除4，小朋友可以不计在内。”
网民：作为阿哥不如请埋
也有网民指出，作为长兄，在这种小数目的家庭聚餐上根本不应计较。有网民猜测是否哥哥最近经济出现问题，才会如此：“正常系阿哥畀晒，一嚟睇住阿妹个荷包，二嚟佢自己都带多咗几个人都仲要同你对分就唔系好识做，阿哥系咪最近手头紧呀？男人通常个排唔系好掂，至会计埋啲婆乸数”。
亦有网民直言，按人头计先$250（2000元／8人）一个，“当父母系除2，先收你两旧几水，作为阿哥，不如请埋”、“阿哥，有大食大，咁简单道理都唔明。”认为这种外人看来有些计较的态度，容易影响手足感情：“呢啲大佬太小器，以后父母不在，你们也唔会联络。”
不少网民劝楼主下一次要醒目，避免这种有些尴尬的饭局，大可以分开庆祝：“如果讲到钱唔舒服嘅话！下一年要醒目，唔好同阿哥屋企人食，你自己借啲意唔得闲，第二日自己同爸庆祝咁可能开心好多”、“我一个请晒父母好过请佢老婆、工人食”。
也有人幽默献计：“下次你带多4个人，打和”、“下次带埋男朋友去，咁样分两份，条气就顺啲”。也有人觉得家人之间不需太计较：“我自己觉得唔使计得咁足，除2 ok。”
资料来源：0120_uiy＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
