「多謝你搵我做媽咪，但我無資格」25歲女上網「公審自己」墮胎決定掀熱議 沉痛告白揭心酸童年陰影｜Juicy叮
一名25歲港女罕有在網上發文「公審自己」墮胎的決定，引發極大迴響，女事主沉痛告白自己意外懷孕後，艱難地決定終止懷孕的心路歷程，帖文附上家計會的文件相片，真實而殘酷的內容，讓大批網民湧入留言，展開激烈辯論。
「突然M痛咗一下...原來係『著床血』」
樓主近日在社交平台Threads發文，表示自己在經期前一星期，突然感到一下經痛，隨後兩天出現少量出血，她「心血來潮驗孕」，才發現那幾滴血原來是「著床血」。兩條紅線的結果，讓她腦袋一片空白。
樓主在帖文中鉅細無遺地記錄了，後續前往家計會求診的過程：「驗完係2條線，再去咗家計會，姑娘都算ok nice既，入去都係登記完留小便，入房見姑娘驗孕驗蛋白尿同糖尿，子宮抹片，度高磅重。」
她提到姑娘詢問她想在家計會做流產還是轉介私家，並詳細解釋了流產方法及注意事項，「跟住就約下次見醫生，做陰道超聲波睇下BB幾大」。
帖文附上了一張在家計會取得的文件相片，相片分為兩部分，左邊是一張抽血檢驗的表格，當中「CBC」（全血細胞計數）一項被剔上剔號，樓主解釋：「比張抽血紙你去驗有無貧血，有既家計會唔收」，顯示樓主需要驗血，以確定是否貧血，因為家計會「唔收」貧血的個案。
相片的右邊則是一張樓主進行終止懷孕前一些檢查的收據，金額共460元，另有其他收費詳情單，上面清晰列明了「藥物終止懷孕費用約為港幣4150-5450元」、「手術終止懷孕費用約為港幣6430-7730元」。
「多謝你搵我做媽咪，但我無資格...好對唔住」
樓主在文中向未出生的胎兒道歉：「多謝你搵我做媽咪，但我無資格去做你媽咪，無資源無條件，好似有咗你又唔要你好唔負責，但係生咗你出嚟，知道自己唔會比（畀）到應該有既嘢你，對你只會更加唔公平，你都會好辛苦，甚至真係害咗你，所以決定做呢個決定，好對唔住。」
她坦言，驗孕後「個晚驗完，企咗係到望住個2條線...以為驗錯」，翌日再買「cb早6日個隻」驗孕棒確認，證實懷孕後「點知，真係中咗，唉，個腦實哂」，心情極度矛盾。她與伴侶商討後，認為「經濟人力資源呢d我地真係攪唔掂」，為了不想孩子跟著他們受苦，才作出這個「好唔捨得」的決定。
她在回應網民時更吐露了隱瞞家人的辛酸：「其實心裏一啲都唔好受，又唔講得比（畀）屋企人知，有同另一半講，大家都知生佢出嚟，真係害佢多同愛佢，我寧願承受傷心，好過要小朋友同我哋辛苦。」
網民反應兩極 有人體諒：「未經他人苦莫勸他人善」
帖文引發極熱烈迴響，網民反應呈現兩極化，不少網民對樓主的決定表示理解和支持，認為這是在審慎考慮後負責任的表現。有網民指「體諒你嘅決定，唔要，都係一個負責任嘅決定，做呢個決定一啲都唔易」，有網民亦安慰道「你考慮得好周全」、「清楚知道自己要咩，這是負責任的表現」。
有網民力撐：「未經他人苦莫勸他人善，如果我地唔係眾籌幫樓主養呢個小朋友，其實都無資格講。」這些留言者大多認為，在沒有能力為孩子提供良好成長環境的情況下，強行誕下他，對孩子更不公平。
不過，另一邊廂，亦有大量網民化身「道德判官」對樓主口誅筆伐，部分網民言論異常刻薄質疑她為何不做好避孕措施：「Ｘ嘢唔帶套就自然會有BB...定無資源無條件到連套都買唔到？」、「窮就封咗個Ｘ！」、「玩完唔想負責任」。有網民更惡言相向，直斥其「殺人兇手就殺人兇手啦，喺度懶感性自我感動」、「草菅人命、冷血」，甚至有網民怒轟：「只係掛住嗰一刻開心，成20幾歲人又唔係十零歲青少年，做之前唔諗吓後果」。
拒絕送保良局或領養 樓主揭單親陰影：「寧願阿媽當初唔好生我」
面對尖酸的批評與質疑，尤其是有網民問到「點解唔比（畀）人領養？」樓主亦有作出回應，對於為何不選擇讓別人領養，她以自己單親家庭的悲慘背景解釋：「我自己單親家庭大仲要唔係親生老母湊大，細時唔常見，大個又無乜溝通，仲有阿嫲同阿叔又係19／20歲相認，就算見得反（番），只係一個『有血緣既角色』。」
她認為即使被領養，孩子與親生父母之間仍會存在一生無法彌補的牽掛與遺憾，並舉例：「你睇下fb尋親個d....父母掛住比（畀）咗人既仔女，仔女又掛住親生父母......又個d養唔起要送保良局。」
她心痛地反問：「同埋生佢又唔要佢，唔慘咩？除非真係一世唔好比（畀）佢知（如果比我知我係養父母養大既，我寧願當初我親生阿媽唔好生我）。」
避孕非百分百 牽扯本港性教育大辯論
這場風波亦引發了關於性教育和避孕措施的激烈討論，當有網民指責樓主沒有做好安全措施時，隨即有另一批網民反駁，指出醫學上沒有任何一種避孕方式能保證100%成功，即使是結紮手術也有失敗的可能。
有網民分享身邊的真實案例：「我朋友3次帶dom（避孕套），3次都中咗」、「我真係有聽過媽媽group講，其中1方結紮咗 都中咗有咗」。有網民更詳細列出數據：「食避孕藥就更加，本來都係97-98%成功，啫（即）係一百個人食有2個都會照中。用套成功率仲低，因為容易穿咗唔知」，力證意外懷孕有時確實避無可避，熱烈討論中意外地揭示了不少人對避孕知識的一知半解，有網民感嘆：「到底香港性教育有失敗先令咁多人誤以為避孕係100%。」
生命與現實的拉扯：一場沒有絕對對錯的網絡審判
整件事件，由一個沉重的個人決定，一場樓主對自己的「公審」，演變成一場網絡公審，有人同情，有人憤怒，有人理性討論，有人純粹發洩，各種言論彷如一面鏡子，映照出現今社會在生育、經濟壓力、個人選擇和道德價值觀之間的複雜拉扯。。
樓主在最後的回覆中向網民承諾：「多謝你，經過今次，會小心避孕，唔會再有下一次」，並無奈地道出「前境真係未明，有苦自己知」。無論對錯，這段圍繞著一個未成形生命的爭議，最終只留下樓主一句無奈的盼望：「希望肚入面生命會明白」。
來源：Threads
如面對意外懷孕而感到情緒困擾時，可致電以下多個提供專業輔導與支援的熱線求助：
- 「情緒通」熱線：18111（24小時）
- 香港撒瑪利亞防止自殺會熱線：2389 2222（24小時）
- 明愛向晴軒（向晴熱線）：18288（24小時）
- 母親的抉擇熱線：2313 5678 或 Whatsapp短訊：5633 5678（專為 25 歲或以下面對意外懷孕的青少年及其家人提供支援）
- 香港家庭計劃指導會：2572 2222（屬下各診所均提供意外懷孕查詢與輔導服務）
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
