4月23日焦點新聞 (A1電台YouTube頻道)

4月23日焦點新聞 (A1電台YouTube頻道)

霍爾木茲海峽過去24小時，冇船敢過。伊朗4月22號攻擊商船之後，局勢持續升溫。特朗普話如果發現有人布雷，美軍會「格殺勿論」，仲話美國已經完全掌控海峽。但伊朗就企硬，只要美國繼續封鎖，海峽唔會重開。另一邊，美軍去到印度洋，截停一艘運載伊朗石油嘅油輪。照咁睇，星期五究竟會有談判，定係戰事一觸即發呢？

https://www.youtube.com/watch?v=hOJ_2MDcbpw

轉返嚟加拿大。前外交官康明凱警告，話如果加拿大想打「中國牌」嚟威脅美國，隨時會適得其反。佢話若然過度依賴中國市場，最終可能俾人「捏住喉嚨」。加拿大夾喺中美兩大強強之間，仲有咩選擇？

最後，講番啲貼身野。Canada Post 準備大規模重組，未來5年逐步取消上門派信，全面轉用社區郵箱。士嘉堡啲街坊同星島講，老人家冬天果陣要行去開箱真係心驚。加拿大郵政真係要慳到呢一步？呢個決定會唔會變成長者嘅冬日噩夢？