曾比特一年減30磅搣甩肥仔之名 入英皇想同謝霆鋒合作竟然唔係唱歌

曾比特（Mike）昨晚（12日）出席劉晨芝擔任製作人兼主角的英語真人騷《瘋狂名人社交》祝捷會，日前32歲生日發布近照大曬腹肌又轉新髮型的他，一改肥仔形象，並公布過檔英皇。

女友讚曾比特新形象靚仔

Mike表示當日拍照即興騷腹肌，同事亦起哄，「只露一下，自己性格保守。」他不排除開騷時再展示腹肌。提到有網民將他在參加《全民造星II》時肥仔相片，跟現時騷腹肌照片對比，他承認瘦了很多，參賽時最高峰180磅，減到現在147磅，是經過一年時間努力健身的成果，強調為健康。問到是否加入新公司而改變造型？他說：「以前係大鬈髮，而家係微鬈髮，想試唔同嘢。（嘗試跳唱？）我未習慣，跳唱會露出額頭，遲啲先。」

對於加入英皇即跟師姐容祖兒做全運會開幕式嘉賓，被受重視，他表示十分開心，大家也很愛錫他，給予許多機會。加入英皇後，他透露積極推出歌曲，希望跟同門師兄、師姐合作；他最想跟謝霆鋒學習下廚，自認廚藝麻麻，最叻煮公仔麵。談到女友可有讚他的新形象？他笑言最緊要靚仔。

相關文章︰容祖兒登全運會舞台感慨已成大師姐 誇師弟聲線有力量 曾比特首演難掩興奮

曾比特（右）出席劉晨芝擔任製作人兼主角的英語真人騷《瘋狂名人社交》祝捷會。

曾比特日前32歲生日。

2021年，曾比特參加ViuTV節目《全民造星II》，憑唱歌實力順利打入十強。

曾比特《全民造星II》參賽時最高峰180磅。

曾比特日前生日拍照，即興騷腹肌。

曾比特曾經係肥仔。

曾比特曾經好圓潤。

曾比特瘦咗，穿上白衫，好sharp~

劉晨芝 曾比特

曾比特不排除開騷時再展示腹肌。

曾比特加入英皇後，透露積極推出歌曲，望跟同門師兄、師姐合作。

曾比特最想跟謝霆鋒學習下廚，自認廚藝麻麻，最叻煮公仔麵。

曾比特新look女友點讚。

曾比特不排除開騷時再展示腹肌。