何佩瑜变身DJ打碟 《半斤八两》压轴竟然变成呢首歌 筹备为张国荣办70岁生日Party

近期全港热爆的Cantopop Party（广东歌派对），杀出索爆女DJ！说的是何佩瑜（Jeana），原来她暗藏打碟技能，经已悄悄现身好几场Party客串做DJ，跟大班乐迷癫埋一份！

何佩瑜是Cantopop Party常客

提起去Cantopop Party，Jeana即刻眼仔碌碌，“之前特登去听Beat Friday嘅Cantopop Party，气氛真系好正！全场一齐大合唱，好似去咗巨型K房咁。啲歌都系香港顶尖金曲，好多回忆涌返晒出嚟，好似时光倒流返番八、九十年代，可以放低压力尽情跳。”Jeana现身Party做DJ打碟并非玩玩吓，原来已经有十年功力！“十年前学咗，都演出过几次，所以今次pick up返都唔算太难。”问到忽然玩打碟原因，她一面满足地说：“做DJ可以同大家分享自己钟意嘅音乐同Remix，见到大家跟住跳真系好有满足感！我平时喺屋企同朋友聚会都会客串DJ㗎！”

提到打碟虾碌事，Jeana边笑边说：“Halloween𠮶次我想用《半斤八两》压轴，仲用mic同观众讲：‘以下呢只歌大家都识……’点知播出嚟竟然系《皇后大道东》！哈哈，我笑到停唔到，居然记错歌名！不过好彩《皇后大道东》大家都识跟住唱。”讲到做DJ跟台下观众的分别，Jeana即刻认真mode，“做观众可以完全放松尽兴，但做DJ就会有种责任感。做DJ嘅开心系嚟自观众嘅反应，见到佢哋玩得开心，我自己就跟住开心。”

身为张国荣多年fans的Jeana透露机缘巧合下，认识了一班张国荣的fans，众人打算明年为偶像举行“70岁生日会”，“我会负责打碟，打晒佢所有金曲，粉丝们都可以点歌，希望可以为偶像尽少少力啦！”

何佩瑜原来暗藏打碟技能。

近期全港热爆的Cantopop Party，杀出索爆女DJ何佩瑜。

何佩瑜形容做DJ可以同大家分享自己钟意嘅音乐。

何佩瑜等人玩得好开心。

何佩瑜打碟玩咗10年。

何佩瑜有姿势有实际。

何佩瑜筹备为张国荣办70岁生日Party。

何佩瑜筹备为张国荣办70岁生日Party，“我会负责打碟，打晒佢所有金曲！”