中年好聲音4丨許美琪決賽遇技術故障 耳機遭滴答聲與人聲干擾20秒 網民心痛：佢先最無辜
TVB選秀節目《中年好聲音4》已經圓滿落幕，大熱尤淑情因在「決戰慢歌」環節漏戴耳機一度罕有叫停音樂，嚴重影響發揮與評審觀感，雖然尤淑情在跳唱快歌演繹張惠妹的〈Bad Boy〉炸翻全場，但卻未能反映在分數上，最終大熱倒灶僅奪第六名，令不少網民戥她不值，力撐她才是「心目中的民選冠軍」。但原來被網民戥不值的，還有「喊包人妻」許美琪。
有網民稱許美琪是最值得同情
許美琪在決賽選唱李蕙敏的經典歌曲〈（你沒有）好結果〉，可惜在中途出現忘詞及高音失準等情況，其後在唱跳環節演繹〈BadRomance〉，但其造型與風格引起了觀眾與網民的熱烈討論。 有網民在《中年好聲音》的討論區開PO，直言：「美琪先至係最值得同情嗰個，慢歌嗰陣係耳機有技術故障，唔關佢事㗎，成幾十秒 耳機發出滴答滴答聲同人聲，害到佢唱錯晒歌詞同拍子，真係慘。」許美琪其後亦在IG談及事件。
許美琪〈（你沒有）好結果〉耳機出現問題
許美琪昨日（25日）在IG貼上比賽當日的相片，感謝所有在現場支持、或者在電視機前面睇直播支持她的每一位：「好可惜，慢歌回合唱〈（你沒有）好結果〉有突發情況出現。一開始我係帶住好強烈嘅感情去唱，點知唱唱下耳機突然聽到『滴答滴答』嘅聲到副歌前，足足持續咗20秒，即刻被分散咗注意力，連歌詞都可惜唱錯。之後我又喺耳機聽到有人聲問緊關於個『滴答』聲。嗰幾十秒我完全聽唔到自己嘅pitch同唱咩歌詞，成個人不知所措。正當我想拉走個耳機嘅時候，已經太遲，我腦海一片空白，唱呢首歌嘅感情亦都消失晒。呢一個係live show，唱唱下嗰陣耳機出現咗技術問題，但Show must go on。只能怪自己對處理突發技術問題嘅經驗不足，唔知點處理。呢次當係買個教訓，舞台上真係隨時會發生任何事，做歌手最緊要係唔好被影響到。」
許美琪〈Bad Romance〉造型劣評如潮
許美琪在〈Bad Romance〉的造型，同樣劣評如潮，雖然有人覺得這身紅黑造型既霸氣又性感，成功營造出女王氣勢，配合天后級的熱辣曲風，令現場觀眾眼前一亮，不過大多數人覺得其整體外貌氣質撞樣苑瓊丹，甚至有人說：「陰功囉，集集都係靚女樣，就係最後總決賽才玩殘佢個樣，整蠱大賽。」許美琪亦有在IG留言：「我都聽到好多人講我個造型。其實係因為唱完慢歌之後流眼淚搞到妝都溶晒。如果唔係眼腫，我一定可以駕馭到呢個妝容！只能怪自己眼淺，話明喊包琪。聽講我當晚個髮型仲紅過我首歌！只能講現場表演總會帶嚟意想不到嘅效果。名次唔緊要（７係我lucky number），只不過可惜慢歌嗰部分表現得唔好，呢個係我唯一嘅遺憾。不過唔緊要，呢個只係一個開始，亦係一次好寶貴嘅學習經驗。希望大家繼續支持我，好快再見。」
網民在討論區開PO討論許美琪遭遇
對於許美琪的遭遇，不少網民在討論區開PＯ討論，有人說：「係好慘、輸唔好彩。」、「都是PA製作助理的問題，一般artist是不會自己帶mon的，都是PA幫忙和搞點嗮才叫artist出場。」、「有時比賽真係講運氣㗎。」、「美琪雖然最後只係第7，但我相信佢以後會有更好的發展。」、「唔緊要啦，結果已出。之後嘅星途未必係冠軍就得，至緊要得民心同埋有觀眾緣，你睇譚輝智就係代表人物啦。」、「如果佢ear mon真係有聲，真心會騷擾到佢唱歌，唉，耳機有聲真心可以怪邊個？真係無運。我見得佢同宓婕無簽TVBI，應該係佢哋唔簽？抑或簽咗另一旗下公司？」、「唔係咁樣做，點會由嗰個攞到獎？講真嗰個當日唱快歌我慢歌都唔掂檔。」、「總之人為錯誤百出。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
