陳瀅移師深圳搞生日會 被粉絲窩心大禮感動 收拾心情準備到澳門拍攝《璀璨之城》

陳瀅(Jeannie)早前到歐洲旅行，順道慶祝生日，一向愛錫fans的她在投入拍攝無綫新劇《璀璨之城》前，特地到深圳舉行一個盛大生日會，看到一班fans為她準備及所做的一切，Jeannie覺得好感動，承諾努力工作報答他們。

為fans專程到深圳開生日會

Jeannie剛從歐洲返港，就密鑼緊鼓籌備今次生日會，Jeannie有感過往每次在香港出席活動或舉行生日會，內地一班fans都會長途跋涉來香港支持她，所以今次Jeannie特地遷就他們，移師到深圳開生日會，Jeannie對fans說：「今次終於係我嚟搵你地，唔係你地嚟搵我啦！」令一班fans好開心。

陳瀅特地到深圳舉行盛大生日會。

Jeannie覺得好感動，承諾努力工作報答他們。

Jeannie獲贈公主生日蛋糕。

一班fans真係好有心思。

Jeannie在台下看fans準備的才藝表演。

Jeannie在台下睇到拍爛手掌。

Jeannie與自己的肖象打卡。

Fans將會場布置得好漂亮。

Jeannie與Fans大合照。

Jeannie祝福大家健健康康、開開心心。

Jeannie台下拍爛手掌

一班fans好有心思，將會場布置得好漂亮，有不少Jeannie肖象的打卡位，又扮壽星公出場為Jeannie賀壽，他們更送上一份別出心裁的禮物畀Jeannie，就是一部攝影機擺設，圍住攝影機之菲林，就是Jeannie所拍過的劇集劇照，他們希望偶像可以拍多些好劇，及預祝她《璀璨之城》拍攝順利，令Jeannie覺得驚喜又窩心，一班fans還準備了才藝表演，如唱歌、跳舞及打鼓，Jeannie在台下睇到拍爛手掌。Jeannie說：「可以同fans開生日會係件好開心嘅事，第一次喺生日party有才藝表演環節，通常都係藝人做才藝表演，今次係佢地表演返畀我睇，真係好開心，忍唔住想同佢地一齊表演。」

最難忘生日禮物為手錶

提到生日願望，Jeannie希望大家身體健康、開開心心，而今年收到最難忘的生日禮物是一隻手錶，「生日時在歐洲旅行，啱啱朋友買咗兩隻同款的手錶，話想同我一齊戴，覺得真係sweet。」至於歐洲生日之旅去了兩個星期，跟幾個好朋友一齊去玩，好朋友每晚都為她安排不同形式晚飯，令Jeannie玩得好盡興，回港後Jeannie就收拾心情去澳門拍攝《璀璨之城》，Jeannie期待說：「因為好耐冇拍劇，真係好開心，我會畀心機工作。」