搬屋壓爆新電視機大螢幕 港女心痛求教便宜解決方法 網民大比數提一「有用」建議｜Juicy叮
搬屋期間意外壓爆才開箱個半月的新電視機大螢幕，港女物主感到相當心痛，由於原廠維修費用接近機價的四份三，於是上網向網民求教便宜的解決方法。結果，網民大比數地提供了一「有用」，而且建設性的建議。詳情見下圖及下文：
搬屋壓爆新電視機大螢幕 港女心痛求教便宜解決方法逐張睇↓↓↓↓
樓主：電視唔知係咪俾嘢壓親
樓主本周一（10月27日）在facebook群組「Oh yes 有得整」上載相片發文求教，指「唔好意思請教一下，前兩個星期搬屋嗰時唔知係咪俾嘢壓親，到今日整好間屋想開電視嗰時，拆開包裝先發現部電視螢幕出現咁嘅情況，過咗陣直情開唔返」。
樓主續指，「呢個情況係咪建議買過部？會唔會有啲平啲嘅解決方法可以有機會整到？因為買咗唔係幾耐（個半月）」。
樓主接著補充，表示已向原廠查詢，對方回覆「話呢啲算人為，整要俾近機價嘅3/4」，所以「啱啱搬完屋真係唔想又要使咁多錢，感謝各位解答」。相中的電視機中央位置出現明顯的米字型裂痕，而且裂紋一路向上蔓延，範圍彼大。
相關閱讀：掛60吋巨電視上牆 公屋戶憂鄰居貪$3000舉報 網民：對面屋咁樣都未怕
網民獻計修復
有熱心的網民回覆樓主，樂觀地指「可能修復到，可以找葵涌 一間studio（工作室）」；另有人教路「又要平，又要想整好，上網睇換屏片自己換囉」。
還有人獻計，稱「整好貴，仲冇保養！不如自製副屏用途，如果主板有HDMI OUT（HDMI訊號輸出接口），可當串流盒轉接用！只係買一個品質好大螢幕就得啦！」。
大批網民潑冷水：換過部
雖然有好心的網民提供各種修復渠道與方法，但有人恨心地直言「無得搞」、「無得就咁簡單修復，去維修都是成個換」。
於是，有為數不少的網民苦口婆心地告誡樓主「唔好諗咁多，錢已跌」，明言「無啦，換過部」、「買過架喇！」，指這部爛電視
「掉得」。
有人更加不嫌長氣一再提醒「爆mon可以換得機」、「爆mon（螢幕）冇得修復」、「爆mon換屏幕不如買過部」、「一定買過部平又好過你整」、「爆咗mon買過部啦，又唔係貴」、「買過部，一部電視panel（面板）最貴」、「呢啲要換panel，同買過部差唔多錢，買新機算啦」。
有網民更分享自身經歷，更稱「我之前搬屋都係咁，保養期内都唔包mon，報完價都買過部」。
資料來源：C.t. Chan ＠facebookOh yes 有得整
相關閱讀：酷熱天氣出奇招！屯門食店播「電風扇畫面」解暑 店家直擊女食客有「離奇反應」↓↓↓↓
今年7月天氣酷熱時，有屯門食店出奇招，在店內大電視播放「電風扇畫面」，幫助食客解暑，店家更直擊有女食客「阿姨」的離奇反應，引發網民熱議↓↓↓↓
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
