林峯首在倫敦慶生 提醒歌迷勿買蛋糕要保持身材 與「常在心」鍾嘉欣合體拍廣告
林峯《Go With The Flow》世界巡迴演唱會氣勢如虹，剛完成佛山及廣州兩站均座無虛席，在歌迷熱烈呼聲中，林峯未來兩個月，將登陸上海、繼而大馬，拉斯維加斯、大西洋城、雷諾，溫哥華，多倫多、倫敦及東京等多個城市。
感謝嘉欣媽咪買飛支持
上海站於11月1日舉行，林峯表示今次巡演，將會帶給各地觀眾驚喜連連，廣州佛山站邀請周秀娜與胡子彤助陣後，上海場邀請到天后陳慧琳（Kelly）做嘉賓，他開心笑道，「冇諗過Kelly咁好一口答應，我諗住請佢食大閘蟹！另外最開心上海站，應該係我囡囡囉，佢好想來睇我演唱會，但係要返學，唔可以請假，只得上海站可以嚟到捧場，所以佢知道有上海站好開心。」緊接後面的馬來西亞場，林峯謂，「大馬觀眾，我諗住帶宣萱嚟，一齊食馬拉肉骨茶！大家開心嗎？哈哈。」而加拿大溫哥華及多倫多的場次，林峯透露：「鍾嘉欣媽咪一早打電話嚟訂飛，話要帶晒全家嚟捧場！真係好多謝Auntie咁支持！嘉欣會唔會上台做嘉賓？佢話暫時未知時間夾唔夾到。」
預告全新單曲下星期首播
今年生日，林峯要在開騷中度過，12月8日生日的他笑言，「今次係首度於倫敦度過生日，演出就係12月9日。」據知倫敦當地fans準備9號作為他生日場大肆慶祝，林峯笑道，「如果佢哋咁諗我都好歡迎！不過今次要同fans講聲，千祈唔好買太多蛋糕嚟，我要保持身材，否則後面演唱會啲歌衫全部穿唔落就大件事！」演唱會進行得如火如荼之際，林峯同時預告全新單曲將在下星期香港首播，探討比較深刻的愛情觀題材。
大玩港人集體回憶
除此之外，林峯以「寡人」造型拍攝港鐵新一輯廣告《尋．未來記》。今次是林峯時隔24年再以霸氣「寡人」現身幕前。他更與《溏心風暴》的經典CP鍾嘉欣以「常在心」造型登場引起劇迷回憶。港鐵今次更大玩港人集體回憶，召喚已經長大成人變成大隻仔的「打波先黎落雨的四眼仔」鄭仲軒（Eric）聯同林峯合演經典橋段，又重現當年情人節喺花墟一人買兩紥花嘅「花先生」，將集體回憶以創意延續，再創新經典。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
