《媽的又要嫁》開拍 梁競徽賣樓當製作費：唔掂要瞓街 陳山聰捐出片酬為電影圈盡棉力

陳山聰、梁競徽（唯唯）、林盛斌（Bob）三位好兄弟聯同伍詠薇到馬來西亞拍攝賀歲電影《媽的又要嫁》，為了幫電影業界出一分力，山聰捐出片酬當投資，而首次身兼電影編劇的唯唯更要賣樓當製作費，自言如果今次唔掂就要瞓街。

伍姑娘令Daniel怕羞不已

《媽的又要嫁》昨日於吉隆坡舉行開鏡拜儀式，一班主要演員跟製作團隊齊齊穿上紅噹噹的電影團隊T恤，祈求電影開拍順利及大收旺場，今次在戲中伍姑娘飾演山聰與Bob兩兄弟之媽媽，而唯唯則飾演兩兄弟之好友。伍姑娘自言本身好接受做阿媽角色，但當知道兩個仔是山聰同阿Bob時就忍不住愕一愕然，幸好導演安排一個馬來西亞靚仔演員馮瑋佺(Daniel)做她的老公，就立即開心晒，說畢伍姑娘就對身旁的Daniel手多多，係咁捽對方胸肌，又摸對方下巴，搞到Daniel怕羞不已。

陳山聰、梁競徽、林盛斌(Bob)聯同伍詠薇到馬來西亞拍攝賀歲電影《媽的又要嫁》。

《媽的又要嫁》於吉隆坡舉行開鏡拜儀式。

一班演員跟製作團隊齊齊穿上紅噹噹的電影團隊T恤。

伍姑娘在戲中飾演山聰與Bob兩兄弟之媽媽。

現場紅噹噹！

伍姑娘指本身好接受做阿媽角色，但當知道兩個仔是山聰同阿Bob時愕一愕然。

山聰對於捐出片酬，他說:「當係小小心意，為電影圈盡一點棉力。」

馬來西亞靚仔演員馮瑋佺做伍姑娘的老公。

Daniel好怕羞。

陳山聰、林盛斌、伍詠薇

多謝伍姑娘仗義幫忙

山聰對於捐出片酬，他說:「當係小小心意，為電影圈盡一點棉力，因為同唯唯、Bob好好朋友，好多人都話影圈係冰河期，我地一直都好希望拍套能帶畀觀眾開開心心又溫情的賀歲片，今年終於搵到幾個投資者，而唯唯首次做編劇，佢絕對有能力，又好多謝契姐伍姑娘，知道我地製作費唔多，肯以友情價仗義幫忙。」至於賣樓用作製作費的唯唯則表示希望在影圈冰河期，香港演員能跟馬來西亞演員一齊努力，拍到一部令觀眾睇得開心，又能帶出珍惜家人之訊息給觀眾，唯唯說:「當然希望套戲都收得，唔係就真係要瞓街。」