雲浩影新歌初嘗硬淨曲風 台南抱恙拍MV 無力掃美食

雲浩影（Cloud）下月初將於麥花臣舉行首次個人演唱會，早前飛赴台南拍攝新歌《你的損失》MV，雖然來去匆匆但仍好興奮，更經歷了三個第一次：第一次唱台式硬淨風格的情歌、第一次踏足台南，而且第一次親眼看見粉紅色夕陽，非常震撼！可惜此行抱姜發燒，無法享受當地美食，收工更攰到無力進食，蒙頭大睡！

剪接大師李謙明合作顯默契

Cloud早前飛赴台南拍攝新歌《你的損失》MV。

雖然來去匆匆但仍好興奮，更經歷了三個第一次。

Cloud第一次唱台式硬淨風格的情歌。

Cloud此行抱姜發燒，無法享受當地美食。

第一次親眼看見粉紅色夕陽，非常震撼！

Cloud嘗試新曲風，是伴她成長的台式硬淨歌路。

Cloud去了夜市拍攝。

可惜Cloud唔舒服，攰到食唔到。

《你的損失》是Cloud今年第二首派台歌，她嘗試新曲風，是伴她成長的台式硬淨歌路，「有啲似我細細個聽嘅嗰類，張惠妹同埋A-Lin嘅歌，仲特登選擇去台灣拍MV。」一向予人柔弱的Cloud，今次由歌詞到唱腔都令人感到「硬淨」，連文案都散發一種堅強感覺：「雖然你把我寵得像公主，但背叛公主的騎士，我不要了！沒有你的世界，或許辛苦一點，狼狽一點……但至少沒有心碎！」MV更由金像剪接大師李謙明擔任導演，是她與Cloud第三度合作，默契十足！Cloud說：「好開心今次台南拍MV，我哋去咗好多好靚嘅景點，仲睇咗我人生目前No.1嘅夕陽，全個天空都係粉紅色架！去咗夜市拍攝，可惜我唔舒服，食唔到好味嘅嘢，加上發燒，收工返到酒店時太攰，嗌咗外賣都攰到食唔到，成個人冧咗！」返港好好休息後，Cloud經已滿血復活，全力投入演唱會準備中。