46歲TVB「金牌司儀」老貓燒鬚？主持晚會被指不專業犯3宗罪 網民重提情史關肥媽事
現年46歲TVB男星陸浩明（6號），早前跟網紅女友陳詩欣（Ayan）飛台灣墾丁過二人世界，又放煙花又沙灘漫步，充滿粉紅色泡泡。陸浩明於TVB發展不俗，成為現時其中一名金牌司儀，而他跟不少同行一樣，都會接公司以外的主持工作，最近他就成為某保險公司的晚會司儀，卻被台下有份參與的賓客，於網上大數他當晚犯下3宗罪，惹得陸浩明本尊現身上網辯解，超高EQ獲得網民讚賞。另外亦有網民非常關心他的某段情史，原來和肥媽有關！
陸浩明被指不專業
有網民近日於社交網撰文，指「千祈唔好搵陸浩做主持」，他認為陸浩明並不專業，犯上低級錯誤，覺得十分不滿：「如果你知道呢條友做主持有幾咁失敗，你絕對唔敢搵佢做主持。早幾日我個保險agent約咗我去周X福人壽食飯，呢條友做主持，開口埋口就蘇X世，你係咪有病㗎？蘇X世係隔離保險公司，你喺周X福人壽嘅地頭，係咁講隔離保險公司個名，係咁講蘇X世幾好，我知道佢講緊瑞士蘇X世，但係都要避忌下啦。」
相關閱讀：陸浩明笑麥美恩吳若希過更年期會和好 莊子璇與郭晉安因《金式森林》演父女而相熟
陸浩明老貓燒鬚不專業？
陸浩明被指無端讚TVB
「然後我都算數，講講吓無啦啦講TVB有咩好，咁我都明佢TVB藝員，梗係搵機會讚吓TVB，但係大佬你唔好咁黐線啦，周X福同開電視係同一班老闆，喺度瘋狂讚隔離電視台，玩嘢咩。」
陸浩明鍾愛Mirror
這位網民再補充：「佢仲要話自己係Mirror fans，有聽Mirror歌，我心諗你黐線未，Mirror大家都知係Viutv，佢讚晒TVB ViuTV，一句開電視佢都唔講，陸浩大佬，你喺周X福、開電視個晚宴，又講蘇X世好，又講TVB好，仲要講埋ViuTV嘅Mirror好，起碼都講返一句開電視好，連名都冇提過，可唔可以唔好咁做主持？成個行業都俾你稱讚晒，你有冇留意自己出席緊邊間公司嘅活動？」
相關閱讀：女神配對計劃丨自信男樣貌背景逐個睇！Baby Face褲襠現怪狀 54歲失業男激似林敏驄
陸浩明索女友性感照：
陸浩明親自回覆網民
對於網民的指責，估不到引得陸浩明親身上水回覆，：「先多謝呢位網友嘅留意，點解會提到蘇X世呢？係因為大會「周X福人壽」想鼓勵新一年成績卓越嘅同事可以到蘇X世參與精英會議，「MC稿」裏面都有提到，可以俾你哋睇吓。可能呢位網友當晚玩得太高興啦，冇太留意我哋MC台上對話嘅前文後理同原整意思，產生咗誤會。而當晚客戶都玩得好開心，好滿意整個製作，如果你下次有問題可以直接inbox我。」
陸浩明回覆獲網民讚賞
「其實司儀每次上台三四個鐘頭主持活動，我同好多MC一樣，事前必定會做好對稿同綵排嘅工作，確保活動過程完滿流暢，做到最好嘅效果。演藝圈好多藝人都好努力工作，明白隨心寫一個評論好簡單，但希望可以用正面心態欣賞每一位台上嘅藝人。作為一個小藝人好希望香港嘅演藝圈可以百花齊放，不分你我有更多精彩嘅節目同作品。 」陸浩明回覆得不卑不亢，引得不少網民稱讚，亦有網民指：「唔使理呢啲人㗎喎，有時欲加之罪何患無詞，如果你真係咁唔掂就邊有客搵你呀，要相信自己呀加油」。陸浩明對今次事件極為重視，他於IG鄭重表示：「對於失實的報道感到非常失望，不要斷章取義，謝謝」，並指「我已經在threads 貼文回應，請不要作出失實的報道，我非常珍惜每次工作，都必定用全力去準備好每個工作，感謝多位客戶嘅支持，相信大家眼睛都是雪亮的」。
陸浩明肥媽傳緋聞？
見到陸浩明本尊上水，不少網民發揮天馬行空本色，竟然留言：「一句到尾，佢同肥媽有冇做過X？」，該回覆得到超過500個讚。現年71歲的肥媽（Maria Cordero）與陸浩明早年為TVB主持多輯《食平D》系列，感情好到要上契，令不少網民於網上笑指二人是情侶關係。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
