袁詠儀兒子疑陪女友「飛甩」阿媽︰佢有異性冇人性 護女心切自告奮勇露三點
袁詠儀（靚靚）、「翻版林明禎」黃潔琪（Miko）、陳峰、童繽毓、劉界輝等今日（11日）出席於將軍澳舉行的馬來西亞電影《OMG! 阿媽有喜》母親節首映禮，分享拍攝感受，陳峰向戲中太太靚靚送上鮮花。
袁詠儀未收到母親節禮物
靚靚在今日母親節卻被兒子張慕童「飛甩」，老公張智霖今晚要擔任《中年好聲音3》總決賽評審，惟有「黐實」老公去睇騷。她袁詠儀在母親節的晚上，說：「我陪老公，去睇騷，阿仔已有節目，阿仔講咗母親節快樂，我惟有黐住老公。（阿仔陪女友媽咪？）應該未係，陪女朋友都可能係，但陪女朋友媽咪我諗未到呢個程度，佢應該唔會咁啩……如果係都冇辦法，仔大仔世界。」靚靚覺得尚未是男女朋友階段，只見過一次面，問該女仔OK嗎？她即說：「未係女朋友！阿仔又話我爆佢啲嘢！唔講啦！阿仔男男女女嘅朋友我都有過目，OK嘅。（阿仔同老公一樣有眼光？）講咗個準則。」
靚靚表示，若阿仔陪女友不陪她也不會呷醋，經常笑阿仔「有異性冇人性」，也明白兒子這年紀開始獨立要擴闊生活圈子，深明做媽媽在適當時候要放手。問兒子有否送母親節禮物？她說未收到，知道兒子與老公商量，期待有驚喜。
袁詠儀為「愛女」擋駕
來自馬來西亞的Miko向戲中的媽媽靚靚送飛吻，「自己媽媽則要補祝，日日都是母親節。」靚靚讚她是宅女很乖。Miko表示姐姐已婚，媽媽沒向她催婚，又透露稍後到菲律賓拍攝旅遊節目。問Miko若香港票房理想會否着三點式派福利？靚靚即問為何要着三點式，建議「阿女」着短裙，由她露三點，笑言不需講明露哪三點。
《OMG！阿媽有喜》香港現實版
近日黃澤鋒與太太陳麗麗宣布有喜成熱話，昨日夫婦與乖女小黃妃入場觀看該片，電影以高齡產婦所面對的問題為背景，切合58歲懷孕的陳麗麗處境，靚靚大讚她勇敢，麗麗笑言：「我係靚靚粉絲，我哋都係媽咪，一齊努力！」面對網絡負評，澤鋒輕鬆指︰「冇所謂，佢哋講得開心就得。」麗麗同樣樂觀地說︰「將負評變成正評吧！這個世代，很多人都有抑鬱、冤鬱，有個平台讓他們說一下就算了！總之他們說任何話，都不會影響我生或不生，我會繼續做好自己應該做的事！」令夫婦雀躍的是6歲小黃妃興奮不已，麗麗說：「她成日同人講『我係家姐』，會同我肚裏BB傾偈，好欣慰！」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
