譚嘉儀拆解忽然富貴之謎 離開大台未有定向：自資有風險丨獨家

36歲歌手譚嘉儀月前離開工作了14年的TVB，縱使不捨最後一天爆喊，但堅持是時候出去見識一下世界，她強調要繼續出歌及在社交平台拍短片搏殺，並非大家誤會她好像突然富貴，經常着三點式去船P，又遊埠！嘉儀除剖白「生活富泰」外，更解釋只係影靚相打卡，賣健康性感：「希望大家別錯重點，要關注我的好歌而非好波！」採訪：方騫平 攝影：Benny 場地：尖沙咀六公館

譚嘉儀離開大台後，未決定未來動向。

嘉儀離開TVB後，表示有些不習慣。

她強調，不是因為前聲夢高層何哲圖離開關係才離去。

譚嘉儀想跳出舒適圈。

出去探索下世界。

嘉儀否認忽然富貴。

在離開TVB後，嘉儀表示自己有些不習慣，她又強調，不是因為前聲夢高層何哲圖離開，而是自己想跳出舒適圈，探索更多可能性：「雖然𠵱家是自由身，但仍係摸索階段，未決定是係咪做獨立歌手，定簽唱片公司，始終自資係會有啲困難嘅，因為做歌、拍MV成本好大，所需資金要好龐大，自己做要承擔風險，雖然對自己都有信心，但𠵱家市道唔好，可以持續有嘢，能夠支持到每年出兩、三隻歌經已好滿足，夠錢開到演唱會更加係最終目標。現階段會Keep住拍啲搞笑跳舞及唱歌片放上社交平台配合熱潮，因為自己鍾意搞笑，就算正評、負評，被指騎呢都會接受。」

譚嘉儀爆喊，依依不捨離開TVB。

譚嘉儀唔捨得14年在TVB的人和事。

不介意身材被彈 

對於短片中被彈胸部縮水，對此，她大笑說：「冇問題啦，唔會嬲最緊要有人留意啫，咪一笑置之囉。人哋點諗控制唔到喇，我盡量希望啲相係健康嘅，其實大家可以留意我好歌都得嘅，唔好只睇好波！」

嘉儀周遊列國影性感相成為網民焦點。

譚嘉儀否認轉性感路線。

譚嘉儀keep住拍跳舞片放上網。

和老友黃嘉雯拍短片。

處女個唱請來偶像鄭秀文做嘉賓。。

嘉儀曾奪2020年勁歌金曲「最佳演繹女歌星」。

譚嘉儀半工讀在外地完成大學課程。

未有單曲前翻唱歌放上網。

《降魔的》「莉莉」。

《虛擬情人》「夏小雨」。

「超聲3」奪季軍入行。

《愛回家》的「木偶妹」。

至於被指忽然富貴，她笑住否定，還拆解富貴誤傳：「我唔覺得自己特別富貴，大部分遠遊係因為工作而出行，順便去附近逗留，唔係去嘆世界！」她解釋生長於一個小康之家，不是住海景大屋，所駕的名車都是外借來拍視頻：「傳我背後有金主包養，呢啲係流言，其實我一直都好努力儲蓄，入行以嚟出騷盡量借衫，搵贊助，連食飯都會搵PR簽單，好慳家㗎！自己都好努力儲蓄養退休媽咪，賺嘅錢主要用嚟做返音樂。」

嘉儀解釋係借名車拍視頻。

譚嘉儀之前到溫哥華登台。

順道周去附近旅行。

周遊列國好爽。