陳法拉不捨分開想帶小朋友一起開工 為《贖罪》票房可返港謝票

陳法拉今日（26日）專誠返港出席奶粉活動，她表示早上才剛從美國返港，今次將會逗留兩天，明日也會出席金像奬頒奬禮負責頒發「最佳編劇」，之後就會馬上離港去其他地方出席時裝活動，由於逗留時間太短加上機程太長，故今次沒有帶小朋友。

法拉帶囝囝和小米妮」去海邊

提到她表示荷里活鼓勵女性帶小朋友一起拍戲，法拉指小朋友剛出世或學前也會盡量帶小朋友一起：「好似個仔而家歲幾，冇辦法一定要帶住開工，但都要爭取，傾合約時要講，因為佢哋有好多安排，但通常問到佢哋都好支持，我都睇到特別係女性演員都有帶住小朋友開工，有啲劇組會請埋人幫小朋友補習。」法拉又笑言最大的原因是因為自己不捨得，所以想帶埋小朋友一起開工，問到是否曾為小朋友推戲？她表示還沒有，因為好劇本和好角色及機會也很難得，但接戲前一定會考慮小朋友，而去什麼國家及細佬要跟家姐分開多久也是考慮因素。法拉指早前帶了1歲的兒子和4歲「小米妮」去海邊，但她笑言租旅行車是不太好的選擇，因為太嘈搞到冇覺好瞓，但他們也開心可以親近大自然，又指姊弟都不怕水。

陳法拉今日（26日）專誠返港出席奶粉活動。

她表示早上才剛從美國返港，今次將會逗留兩天。

明日也會出席金像奬頒奬禮負責頒發「最佳編劇」。

由於逗留時間太短加上機程太長，故今次沒有帶小朋友。

法拉說接戲前一定會考慮小朋友。

法拉指早前帶了1歲的兒子和4歲「小米妮」去海邊。

法拉笑言因為自己不捨得，所以想帶埋小朋友一起開工。

法拉主演的電影《贖罪》票房接近1200萬，法拉指若有需要也會返港謝票，希望可令票房更好。

支持「全港戲院日」推$30蚊睇戲

法拉主演的電影《贖罪》票房接近1200萬，法拉指若有需要也會返港謝票，希望可令票房更好，更透露明天的打扮會「幾爆」，提到「全港戲院日」將再推$30睇戲，法拉指這樣很好，可以幫助票房之餘，也可培養後生一群入戲院：「平平哋入戲院，令佢哋知道戲院睇戲係好唔同，我覺得而家特別係小朋友只有好短暫注意力，入到戲院冇得睇手機，好專注兩個鐘睇晒成套戲，喺屋企睇電視都做唔到，所以呢個諗法（$30睇戲）係好好。」法拉又指不止香港，其實全世界的票房也很差，美國在疫情後也關了很多戲院，但她認為這是新的大氣候，以及媒體和網絡的變化，但也希望戲院能繼續生存，這樣演員才會有生存的機會。