蕭正楠揭照顧BB致腰酸背痛 化身廿四孝老公幫翠如推藥油 將片酬全數撥入囝囝教育基金

新鮮出爐爸爸蕭正楠，擁有新的身份後第一個代言廣告在日前進行拍攝，成為品牌金波士代言人的他，對於家中多了一位「金波士」，除了有不少心態上的轉變跟大家分享外，而且更加着重自身健康。

湊BB打醒百份之二百的精神
 

作為新手爸爸後的Edwin接拍第一個廣告，大方透露近況：「當初我以為BB會好輕，但係最近翠如話我知我背脊厚咗，可能係呢幾個星期餵奶、抱BB，有時候同一個姿勢維持太耐，不知不覺身體唔同部位都會酸痛，呢個係我最近嘅一個體會，湊BB真係會周身酸痛。相信之後BB越嚟越重，痛症會更加明顯。」被問到拍劇和照顧小朋友哪樣比較疲累時，Edwin稱兩樣花費的體力是不同，對着小朋友更加是打醒百份之二百的精神，就算小朋友一個細微的動作，例如打思噎、大聲哭、吐奶，便會感到很緊張，有時還會自責自己做得不夠好，心情起伏很大。Edwin不只是二十四孝爸爸，更是二十四孝老公，當太太身體有痛症的時候，他負責幫太太推藥油。
 

作為新手爸爸後的Edwin接拍第一個廣告。

蕭正楠與廣告高代表合照。

蕭正楠呢幾個星期餵奶、抱BB，有時候同一個姿勢維持太耐，不知不覺身體唔同部位都會酸痛。

被問到拍劇和照顧小朋友哪樣比較疲累時，Edwin稱兩樣花費的體力是不同。

Edwin不只是二十四孝爸爸，更是二十四孝老公，當太太身體有痛症的時候，他負責幫太太推藥油。

蕭正楠未來希望可以分配好工作和家庭的時間。

蕭正楠今次代言廣告片酬，全部都用來撥入仔仔嘅教育基金

蕭正楠說呢段時間能夠二十四小時全天候陪伴太太和兒子，好多嘢都好易上手。

同翠如最大期望仔仔開心

Edwin坦言兒子是他人生中的「金波士」：「我幫仔仔打工㗎！我今次代言廣告片酬，全部都用來撥入仔仔嘅教育基金，希望佢有最好嘅事物，同埋我同太太最大期望係仔仔開心。」對於未來的工作計劃會否因為家中的「金波士」而有所改變，Edwin表示：「很感恩，呢段時間能夠二十四小時全天候陪伴太太和兒子，好多嘢都好易上手，盡量我負責晒所有粗重功夫。」未來希望可以分配好工作和家庭的時間，而且對自己的體能要求比較高，希望有足夠體能，將來同小朋友一齊玩樂。