林作支持富商養小三可冇責任即撇 遭五索出手掌摑 自爆為小朋友已搬屋9次

已婚大生銀行主席馬清鏗早前被《東周刊》獨家爆出與巨咪網紅「五索」鍾睿心（Rachel）暗交9年，並誕下4名孩子，林作其後表示要與五索「割蓆」，但最近又孖裕美、五索頻頻拍片，而最新短片就講到「點解有錢人好多時租屋唔買屋？」

買樓隨時變負資產

林作表示很多有錢人寧願租貴樓，也不會買樓，「睇過一本書發現有錢人識計數，原來租樓真係抵玩過買一棟山頂嘅樓 （五索：尤其是豪宅，你諗吓幾億嘅樓，你可以幾十萬租到）啱啱Mandy Lieu 同洗米華個豪宅都十零萬租出，但如果你真係買樓就負資產，俾錢係多過收錢，已經唔係講緊呢兩年嘅樓價。」

裕美後悔買了2個單位

裕美就非常認同，更自爆自己已買了兩個單位，現在非常後悔，「如果可以回到過去，我係唔會買，而家呢個年代唔蝕已經偷笑。」五索則表示：「我自住嗰間一定唔會買，因為我年幾搬一次，如果你真係信風水，每年個流年飛星都係唔一樣，所以點解我每年幾就會搬一次呢，就係咁嘅原因，咁事實證明追流年飛星係有用嘅。」五索續撥撥頭髮，自豪地表示：「你睇吓我而家幾紅，幾好幾有錢，你睇吓林作就係一直住喺嗰個物業，你睇吓佢住到幾楣 ！唔得！」不過，二人卻笑言其實是用同一個風水師。

三人最新拍的短片就講到「點解有錢人好多時租屋唔買屋？」

林作表示很多有錢人寧願租貴樓，也不會買樓。

裕美就非常認同，更自爆自己已買了兩個單位，現在非常後悔。

林作最後總結「租屋比買屋好」道理就是拍拖與結婚的分別。

五索出手掌摑了林作幾個巴，場面搞笑。

林作之前表示要與五索「割蓆」。

五索說因為每一年都生一個，所以要經常搬屋。

林作支持租屋比買屋好

林作最後總結「租屋比買屋好」道理就是拍拖與結婚的分別：「拍拖等於租樓，結婚等於買樓，一於拍拖唔好結婚，一於租樓唔好買樓！所以我係支持富商唔結婚淨係拍拖，最多小三嘅啫，冇責任，隨時走得！」在旁的五索即笑言：「咩隨時走得？你死啊？」然後出手掌摑了林作幾個巴，場面搞笑。

其後，五索再於社交網轉發短片，並自爆已經搬過九次屋：「我人生已經搬屋9次，除了信風水，最大嘅原因係因為每一年都生一個，房間不夠用了。」