星8卦丨「花旦」錯嫁破產「伯伯」轉名下物業被充公蝕大本

講起戇居都冇人夠「花旦」咁蠢，當日恨嫁，見到「伯伯」一臉老實，諗下自己都一把年紀，大家都係有個曾經嘅人，所以好快就決定結婚。以為兩個人可以白頭到老，點知嫁咗之後至知「伯伯」啲生意好唔掂，唔駛幾年連屋都要賣埋還債，喺爆煲之前「伯伯」同「花旦」話唔想連累佢，所以主動提出離婚。

相關閱讀：星8卦丨「才子」耍性格被封冇入息 肯跪低獲撐有財有威過新年

「花旦」覺得好無奈，但諗到之後都好煩，雖然唔想大難臨頭各自飛，都惟有係感情唔係好深嘅時候分開。「花旦」成世人淨係識做戲，其他世事嘅認知係零，一心見到「伯伯」連屋都冇得住，所以將一層好平嘅樓過咗畀「伯伯」，等佢有番啲渣拿。點知當時「伯伯」已申請破產，層樓一轉咗名就即刻畀政府收咗去拍賣作為還債嘅資產。

相關閱讀：星8卦丨「波神」見高拜兩副面孔冇本心 被爆戀情唔認怕得罪真金主

「花旦」以為為「伯伯」好，結果眼白白冇咗一個物業，心痛到唔知講乜好，「伯伯」當然唔好意思，想截住花旦都趕唔切。「花旦」呢種好心又真係泛濫咗啲，佢亦因為呢件事個人變得好冷淡，對好多人都保持距離，話咁樣至可以更好保護自己安全喎！

相關閱讀：星8卦丨「硬朗」翻身作成功知名度大增 自抬身價同「前輩」平起平坐被飛有道理