陳慧嫻新歌MV邀姜大衛父子檔上陣 John哥：做得唔好鬧佢

陳慧嫻日前推出全新廣東作品《陪伴》，由江海迦（Aga）作曲，黃偉文填詞，舒文監製，將兩個人微妙的相處關係，欣然地跟大家細味當中。慧嫻演繹時分享一段交心的友誼，是如何煉成的故事。只有懂得見微知著，知曉彼此分寸的摯友，才懂得在你與我之間，留下一道有溫度的距離。

陳慧嫻推出全新廣東作品《陪伴》。

陳慧嫻活躍返樂壇。

慧嫻即將開騷。

慧嫻演繹一段交心的友誼是如何煉成的故事。

MV由劉偉恒執導及編劇，並找來姜大衛（John哥）、舞台劇演員彭杏英、林愷鈴及姜大衛兒子姜卓文演出。歌曲MV講述夫妻二人一路走來的高低起跌、甜酸苦辣。現實生活中，John哥跟太太李琳琳是圈中模範夫妻，二人結婚五十年，相依相愛半個世紀，當中經歷不少考驗，問到John哥感受，他表示：「其實夫妻又好、家庭又好、一家人都好，一定要成日一齊，成日有聯絡，唔好話夫妻，全家感情都會好。互相打個電話：『食咗飯未呀？』、『你今日食乜啊？』已經好開心。」MV中，兒子姜卓文飾演自己年輕版，對於兒子表現，John哥笑說：「希望導演滿意啦，我冇乜感受。如果佢做得好，OK！做得唔好，鬧佢！」

導演劉偉恒、林愷鈴及姜大衛兒子姜卓文參與其中。

劉偉恒安排John哥和兒子姜卓文父子檔上陣。

導演劉偉恒、姜大衛（John哥）、舞台劇演員彭杏英、姜大衛兒子姜卓文、林愷鈴難得聚頭。

MV中姜卓文、林愷鈴係一對。

John哥、舞台劇演員彭杏英係年老版。

John哥好有拍攝經驗。

John哥係影後都咁型。