Hello Kiss丨龍婷被捲偷啜人夫後一個月獲全面解凍 明天跟「金手指」支嚳儀首碰頭

憑《中年好聲音》爆紅，43歲的「小龍女」龍婷上月中被《東周刊》獨家踢爆與65歲已婚演唱會製作人丘亞葵撻著，兩人更被拍到在車廂內激嘴，事後丘亞葵解釋只係朋友式嘅「Hello Kiss」，並非出軌。而女方透過所屬的TVB Music Group Limited亦向傳媒作出回應，強調係拍攝角度誤解。聲明又表示，龍婷與丘亞葵僅為多年好友，兩人之間純屬友誼。話雖如此，形象插水的龍婷工作瞬即叫停，更被飛出原本有份參與的《星光熠熠耀保良》，盛傳遭TVB放入雪櫃。但，時隔逾一個月，龍婷竟火速獲解凍，本月25日(明天)被安排現身《中年好聲音3》錄影探班，亦係龍婷喺「Hello Kiss」偷食事件後首次公開露面。

龍婷明日起全面復工。

龍婷捲入「Hello Kiss」偷啜人夫事件，幸只係被雪一個月。

龍婷、丘亞葵好啱嘴型。

龍婷、丘亞葵否認出軌。

龍婷跟65歲演唱會製作人丘亞葵私下有交往。

東周刊爆出龍婷偷啜65歲人夫丘亞葵，相當震撼。

龍婷、丘亞葵先撐枱腳去醫肚。

當日龍婷表現進取，在停車場主動摸男方PATPAT。

情到濃時車廂內「Hello Kiss」打招呼。

丘亞葵係已婚人夫。

「化敵為友」拍住上搵真銀

當日TVB安排傳媒到電視城探班，名單之上除有大會評審肥媽Maria Cordero、伍仲衡、張佳添、周國豐等評外，還有「中1生」周吉佩、李佳、羅啟豪、龍婷、顔志恒、吳大強、支嚳儀；「中2生」古淖文、譚輝智、顔米羔、陳俞霏、安雅希、劉威煌、陳蒨葶、陳燕娜等，今次係龍婷自爆出是非後首次公開亮相，最爆係傳做「金手指」連環出賣龍婷及曹敏寶的支嚳儀亦同場，真係好戲在後頭。據知，龍婷已被全面解凍，她和支嚳儀更於10月25日上船做商演，兩人「化敵為友」拍住上搵真銀。

「小龍女」龍婷憑《中年好聲音》爆紅。

龍婷曾任「歌神」許冠傑個唱嘉賓。

龍婷、支嚳儀曾經老友過。

傳龍婷跟曹敏寶都係受害者。

龍婷周日現身《中年好聲音3》錄影探班。

龍婷、支嚳儀將於10月中一齊做商演。

《中年好聲音3》140強參加者明天開始錄影。