車Cam直擊│西環田螺車上斜突「爆漿」 網民：屙爛屎

一輛田螺車於上周四（15日）在西環西邊街引發一場泥漿流。今日（20日）網上流出事發時的車Cam影片，所見當日下午約2時48分，涉事田螺車沿西邊街上斜行駛，當駛至般咸道交界路口時，因燈位顯示紅燈於是停下。惟田螺車停車數秒後，車上巨型滾桶突然改變方向轉動，由原先逆轉變作順時針方向，並突然「爆漿」噴出泥水，持續超過15秒，大量泥漿一直沿西邊街斜路流下。

尾隨的車輛避無可避險變「泥鴨」，泥水濺到車頭及擋風玻璃上，司機只得開動水潑清理，最後亦稍作倒車褪後，影片至此結束。

網民紛紛留言，形容田螺車「肚屙」、「屙爛屎」、「大爆發，爽呀」。有網民估計是田螺車司機「撳錯掣」肇禍，「應該係停車拉手制嗰陣時，應該拉錯咗隔離嗰支竿所以導致會嘔啲水出嚟」。

有網民亦替尾隨車輛捏一把汗，直指「硬食走不了」、「前多半個車位都俾佢K.O.」，並擔心泥漿「沖晒落沙井渠，轉頭又水浸」。另有網民分享教路：「師傅教過，勿跟田螺車後面！」

警方表示，當日下午3時32分接獲報案，報案人指有田螺車在西邊街與般咸道交界流出大量泥漿污水，擔心會對途人造成危險。警員到場，發現現場泥水並無造成危險，案件列作投訴處理。