李駿傑新歌《TOXIC!》探討惡意評論 最嬲家人被攻擊 自爆想與呢位台灣藝人合作

李駿傑（Jeremy）新歌《TOXIC!》是將一些惡意評論比喻作毒藥，人們有時明知會痛，卻總是不必要地拿自己來受罪，不過只要了解到，毒藥無形，解毒劑都同樣無狀，解開心結，一切都變得輕鬆自在。Jeremy檢視過去的自己道：「我以前好care人哋講乜，所以當我好take care呢啲嘢嘅時候，慢慢變成一個慢性毒藥，慢慢侵蝕自己心靈，所以以前嘅自己係一個好冇自信嘅人，但而家學識如何去排除呢啲毒素，所以呢首歌想話俾大家知，要分辨周圍嘅毒素，唔好俾負面能量影響。」面對一些惡意批評，他很快便會忘記得一乾二淨，但惟獨屋企人被鬧的話就會好嬲。」

Jeremy新歌講述惡意評論，他更將這些評論比喻作毒藥。

Jeremy指以前好在意別人的說話，但很快便會忘記得一乾二淨，惟獨屋企人被鬧的話就會好嬲。

Jeremy已經三度到訪台灣拍攝MV！

Jeremy為了新MV，設計了一個金色頭髮，好型啊！

問可有想過之後推出國語歌，或者邀請台灣藝人合作？Jeremy坦言自己都好想。

Jeremy透露想與五堅情的小賴（賴晏駒）合作。

Jeremy指與小賴都是走「妖」的路線，可以合作的話相信會好快夾到！

早前Jeremy在香港出席活動時展現了一頭駁髮，其實也是特別為這次《TOXIC!》而設計的髮型，Jeremy介紹道：「MV最後一套衫，以戰神形象呈現，好似戰神要長頭髮會有氣勢啲，好似可以俾啲新鮮感大家。」在短短一年多的時間，Jeremy已經三度到訪台灣拍攝MV，問可有想過之後推出國語歌，或者邀請台灣藝人合作？Jeremy坦言：「我都想啊！係一個唔同方向嘅發展，同台灣歌手crossover係一件好正嘅事情，因為每次同唔同歌手合作係一次好好的學習機會。之前見Edan同邱鋒澤合作，覺得成件事好正好有火花。其實同Edan去睇五堅情演唱會時，都有同小賴（賴晏駒）講話我哋可以試下合作喎，佢都話：『可以呀，來呀！』所以如果俾我揀嘅話，我同佢都係行妖啲嘅跳唱路線，如果夾就會可以好快夾到一齊，呢個係好想嘅一件事。」