【星爺講波 09】歐國盃分組次輪最後一天 土耳其葡萄牙打甩髀 爭首名避撼荷蘭法國

重點推介:F組 土耳其Vs 葡萄牙:加東時間周六(22日)中午12:00

明日三場波,列強之中,如果講形勢最危急,可能係再輸一場就隨時要出局嘅前一哥比利時,但係講到形勢微妙、更加有睇頭,星爺認為應該係土耳其對葡萄牙一場,因為兩隊有乜閃失只以次名出線,十六強淘汰賽隨時即刻硬碰好大機會攞D組首名嘅荷蘭或法國其中一隊;加上C朗呢位六朝元老經常都成為話題人物,睇葡軍出戰多多少少梗會搵到驚喜!

兩隊喺首場比賽都攞咗3分,土耳其靠較佳嘅得失球差暫居榜首,葡萄牙居次,葡萄牙形勢畀人弱,想反超前,睇嚟教練馬天尼斯都要諗諗計。

但計近期表現,土耳其其實都幾波動,上一場輕輕鬆鬆以3:1擊敗格魯吉亞,但之前一場友誼賽意外輸畀波蘭1:2,表現令人大跌眼鏡,面對2016年歐國盃盟主葡萄牙能否保持上場勝利嘅水準和氣勢實屬疑問?

葡萄牙最近成績都唔係好得去邊,小組首場對捷克以2:1贏波,但開紀錄一球係對方烏龍波,另一球由後備上陣嘅法蘭斯高干斯卡奧補時射入,贏波帶幸運成分。

土耳其同葡萄牙最近一次對陣喺2022年3月世界盃外圍賽,葡萄牙以3:1獲勝。而過去4次交手,葡萄牙贏咗3次,土耳其只贏1次,葡軍明顯佔上風。

人腳方面,土耳其主教練「飛機仔」蒙迪拿手下有一班實力唔錯嘅球員,門將有穩健嘅梅特古洛克,後衛有切歷克、美列迪美羅和艾奇甸坐鎮,中場則有查漢奴古、奧基約高斯魯同奧簡高古,前鋒陣容包括艾度路高奴、古拿和耶斯斯等。

但葡萄牙陣容更鼎盛,迪奧高哥斯達繼續把守最後一關,後防線有老路縱橫嘅比比夥拍魯賓戴亞斯、尼爾遜施美度,中場核心包括般奴費南迪斯、貝拿度施華和祖奧包連夏,前鋒當然由C朗拿度掛帥,配合祖奧菲歷斯、拉菲爾利亞奧等人攻堅。比人腳,葡萄牙勝一籌。

葡萄牙顯示出強大嘅攻擊力,土耳其需要保持防守穩定,估計佢哋會利用快速反擊威脅葡萄牙嘅防線,而葡萄牙則需要發揮佢哋喺中場嘅控球優勢,同時提高入球效率。星爺估計面對實力不俗嘅土耳其,葡萄牙會陷入苦戰,但最終憑佢哋嘅球員質素可以小勝而回。

AI預測

F組 格魯吉亞 Vs 捷克 (上午9:00)

預測賽果:捷克勝

半場比分:格魯吉亞 0-1 捷克

全場比分:格魯吉亞 1-2 捷克

總入球數:3球

F組 土耳其Vs 葡萄牙 (中午12:00)

預測賽果:葡萄牙勝

半場比分:土耳其 0-0 葡萄牙

全場比分:土耳其 0-2 葡萄牙

總入球數:2球

E組 比利時 Vs 羅馬尼亞 (下午3:00)

預測賽果:比利時勝

半場比分:比利時 1-0 羅馬尼亞

全場比分:比利時 2- 1 羅馬尼亞

總入球數:3球

T100

【2024年歐國盃期間,加拿大《星島網》每日都會有駐場「球評人星爺」為大家開壇講波,仲搵埋AI幫手預測賽果,人機強強聯手,肯定「近」到無倫!】

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

加拿大樓銷預測數字下調 6月房均價微跌至696,179元

墨超│利昂實力有限 直取帕丘卡客勝

【黑吃黑槍擊案】咸美頓警方拘36歲男子控誤殺

昨晚賓頓 15 歲少女遭車輛撞斃

都市網新聞