【星爺講波 02】鬥牛兵格仔軍冤家路窄 腳法戰績Vs經驗近態

重點推介:西班牙Vs克羅地亞:加東時間周六(15日)下午3:00


大家好,又係我星爺同大家講下波,2024歐洲國家盃分組賽明日(星期六)正式轉入直路,開行Turbo踢足3場,要揀最有睇頭,識貨嘅一定揀已經連續四屆歐國盃碰頭嘅B組雙雄——西班牙對克羅地亞。

首先講下西班牙,人腳係新老混搭,中場線由法比安雷斯和洛迪兩位控球能力極強嘅球員領軍,前鋒線隊長莫拉達和費倫托利斯都係機會主義者,而後防有拿樸迪同古古列拿壓陣,三線配搭平均。

至於「大叔隊」克羅地亞,佢哋同樣有唔錯嘅實力。38歲的中場核心莫迪歷依然係隊內靈魂人物,指揮全隊攻守行軍。前鋒線卡拉馬歷同比列錫等人亦都有唔錯嘅把握力,防守有杜馬高維達和加華度爾則肩負重任。雖然佢哋嘅平均年齡較高,正選陣容隨時有六、七人超過30歲,但大賽經驗豐富係佢地爭勝最大本錢。

講返戰術部署,西班牙隊波一向以控球為主,短傳入攝玩到對手頭暈,估計會繼續用佢哋嘅彈珠機式傳控戰術嚟消耗對手體力,尋找防線漏洞,伺機打開入球缺口。反觀克羅地亞應該以穩守反擊為主,等候西班牙大舉揮兵進攻時中後場出現嘅空隙,進行快速反擊。

至於對賽往績,兩隊過去三次在歐國盃對戰,法定時間各勝一仗,一場打和,分勝負嘅場都係一球上落,可見實力其實都好接近。所以,今場比賽兩隊應該都會小心翼翼,睇住對方出招。

總結嚟講,呢場比賽一定係一場硬仗,雙方都唔會輕易讓步。論大賽戰績,三屆歐國盃、一屆世界盃冠軍嘅西班牙,贏晒最叻都係2018年世界盃亞軍嘅克羅地亞。雖則賭波公司今場開出嘅賠率都係西班牙贏波熱到辣手,連AI兄都話西班牙一球小勝。但數近十年表現,格仔軍又比鬥牛軍好得多,兩年前世界盃都執返個季軍啦。

我份人就最鍾意刨冷,而踢波呢家野,尤其嚟到國際大賽,冇話贏硬,又冇話輸硬嘅,克羅地亞肯定好想喺佢哋黃金十年嘅尾聲攞番個盃,響頭炮有助提振軍心,我非常支持佢哋,「做人如果無夢想,同條鹹魚有咩分別呀?」唔好俾人睇死呀,星爺一於撐你!

AI預測:

A組 匈牙利Vs瑞士 (上午9:00)

賽果:瑞士勝

比分(半場)——預計雙方較為謹慎,0:0 或瑞士 1:0 領先。

比分(全場)——考慮到瑞士隊整體實力較強,預測瑞士2:0 或 2:1勝出。

總入球——預計比賽會比較激烈,但不會過於高得分,預測少於 2.5 球

B組 西班牙Vs克羅地亞 (中午12:00)

賽果——西班牙勝

比分(半場)——預計雙方會較為謹慎,0:0 或西班牙 1:0 領先。

比分(全場)——考慮到西班牙隊的技術實力和控球優勢,預測西班牙2:1 或 1:0 勝出。

總入球——預計比賽會非常激烈,但不會過於高得分,預測少於 2.75 球 。

B組 意大利Vs阿爾巴尼亞 (下午3:00)

賽果——意大利勝

比分(半場)——預計意大利會控制戰局,1:0 或 2:0 領先。

比分(全場)——考慮到意大利的整體實力和近期表現,預測意大利3:0 或 3:1 勝出。

總入球——預計比賽會較為單方面,意大利佔優勢,估計超過 2.5 球

T100

【2024年歐國盃期間,加拿大《星島網》每日都會有駐場「球評人星爺」為大家開壇講波,仲搵埋AI幫手預測賽果,人機強強聯手,肯定「近」到無倫!】

 

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

【入油請等】油價再次回落 重回本月低位

深夜北約克越野車撞警車 SIU接手調查

【評論】郭文貴定罪 為何竟沒有唱一句戲?

專欄│ 「皇馬認證」必屬佳品

都市網新聞