林百欣家族爭產案 林建岳供稱林伯立遺囑前精神狀況「好正常」 遭質疑說法不實

已故麗新集團主席林百欣（林伯）家族近30億元遺產中，三太顧瑞英及女兒林明珠分文不獲，母女質疑林伯2004年遺囑效力，指林伯罹患腦退化症，無能力訂立遺囑。案件今日於高等法院續審，次子林建岳出庭作供認為林伯2004年6月時精神狀況「好正常」，顧氏母女質疑說法不實，林建岳解釋指「我同佢講嘢佢答到我，佢都問我好多嘢，除咗精神唔係好好之外，但係我同佢講嘢好正常」。審訊午續。

原告為遺囑指定執行人已故律師張定球、新遺囑執行人律師周佩華及馮蘊瑤，被告為顧瑞英及林明珠。新遺囑執行人律師馮蘊瑤續作供指獲林家提供訟費保障，但沒有向林家索取指示。大律師Charles Hollander代表顧氏母女盤問指張定球2012年曾接觸林伯家庭醫生練紹忻以索取證人供詞，問到何以最後決定不傳召練紹忻？馮蘊瑤交代當時練紹忻不願牽涉在本案之中，張定球認為無法強逼練紹忻，而張定球其後於2021年不幸猝逝。

林建岳否認早知父親立遺囑前精神狀況不佳。葉偉豪攝

 

被告之一的林明珠。葉偉豪攝

 

已故麗新集團主席林百欣。資料圖片

 

林建岳作供：爸爸一路好active

林建岳其後出庭作供，Charles Hollander盤問下引述其書面供詞指自其進入家族公司便擔任第二把交椅，僅次於林伯，林建岳又稱「爸爸一路都好active」，故二人經常一同商量。Charles Hollander提到2004年7月二太余寶珠、公司高層李寶安及何榮添曾一同午膳，商討公司接班計劃，林建岳憶述當時「阿媽同我講啲人開始問喇，我話不如你哋傾下睇下點」，交代指自己不知道有這一場午膳，當時並不在場，又解釋李何2人「同我爸爸做嘢，大家同事嚟㗎啫」。

不知道父親曾立舊遺囑 新遺囑亦「唔係我（負責）」

Charles Hollander提到當時林伯打算立新遺囑，林建岳回應指當時「我都唔知我爸爸有（舊）遺囑」，Charles Hollander再指午膳除商量接班計劃之外，還會討論新遺囑內容包括遺產分配，林建岳解釋因為相關內容「好多係公司嘅嘢」。Charles Hollander指若要訂立新遺囑，此前需先查找舊遺囑，林建岳回應指「唔係我（負責），我係唔知㗎嘛⋯⋯從頭到尾都係張定球律師handle，所以我係唔知道嘅⋯⋯我從來都冇諗過會有」。

不清楚醫生曾評估林伯精神狀況

林建岳同意林伯2004年6月左右身體欠佳，曾留院一段時間，自己「有時間就去見佢」，當時家庭醫生練紹忻負責檢查及轉介其他專科。Charles Hollander提到方嘉揚醫生2004年6月中應練紹忻要求接觸林伯，評估其精神狀況，林建岳回應指當時不清楚此事，因為「我爸爸睇好多醫生⋯⋯淨係知道我爸爸唔舒服，我一路見我爸爸嘅時候都好精神」，續指其後林伯跌斷手臂留院，自己去探訪時林伯精神狀況「好正常」。

被質疑說法不實 林建岳反駁「我同佢講嘢好正常」

Charles Hollander引用6月中多份醫療紀錄指林伯反應緩慢、昏昏欲睡、記憶力弱等，質疑林建岳說法不實，林伯當時有重大精神問題。林建岳反駁指「佢身體唔好，但同佢傾嘢好正常」，又指「我見我爸爸，我同佢講嘢佢答到我，佢都問我好多嘢，除咗精神唔係好好之外，但係我同佢講嘢好正常」。

三太一方指林伯在留醫期間不認得另一兒子 如常更衣上班

Charles Hollander引述顧瑞英兒子林偉鈞供詞指，當時曾到醫院探望林伯，惟林伯不認得自己，更打算如常更衣上班，渾忘自己受傷留院，情況猶如出現幻覺。林建岳堅稱當時與林伯對話「好正常」，會討論公事，提到林伯留院時睡眠質素不佳，總是要求回家。Charles Hollander指出當時林伯已獲處方治療阿茲海默症藥物，林建岳對此表示不知情，「唔知佢食咩藥⋯⋯我自己病咗食咩藥都唔知」，只依賴醫生診治。

林建岳否認對父親患嚴重精神病患

Charles Hollander提到同年8月林伯首次接受方嘉揚醫生MMSE檢查，總分30分當中得到8分，診斷出林伯患上中等至嚴重腦退化症，8月為林伯處方治療阿茲海默症藥物，改善記憶，林建岳坦承林伯過身後才知情，憶述2人「接觸時好正常」，自己亦曾吩咐練醫生「睇住我老豆，如果我爸爸有好嚴重嘅同我講聲」 。Charles Hollander質疑林建岳一直知悉林伯有嚴重精神病患，難以證明其有能力訂立遺囑，卻佯作若無其事，林建岳否認。

林建岳指無人通知需要索取醫學證明父有能力訂遺囑

Charles Hollander問到何以不索取醫學證明顯示林伯有能力訂立遺囑？林建岳解釋「因為冇人通知我需要」，又提到曾經問及張定球意見，對方指12月3日訂立遺囑時「如果我見到你爸爸condition唔得我都唔會簽嘅」，另要求自己當日「最緊要睇住爸爸⋯⋯搵個醫生喺度」。

三太一方指林建岳稱11月前不知遺囑內容的說法不實

林建岳再交代當時相信由林伯與李寶安商討後，決定委任張定球為遺囑執行人，過程由李寶安處理，指示張定球如何起草，自己11月底才得悉遺囑內容。林建岳同意自己直到11月前也沒有與李寶安何榮添討論遺囑內容，解釋「因為啲資產係我爸爸嘅，佢要點分我係冇權去管」。Charles Hollander引述李寶安供詞指自當年7月已經草擬遺產分配，過程中與林建岳三兄弟、二太余寶珠及何榮添討論後曾多次修訂，反駁指林建岳說法不實。

林建岳稱沒有干預遺囑內容 「最緊要屋企人唔好唔開心」

林建岳解釋過程中母子4人有份商議，「但冇坐埋一齊傾⋯⋯我淨係知道大家傾緊，但最後要4個人同意㗎嘛」，所以從未看過遺囑草稿，最後才得悉最終版本。林建岳補充商討期間由李寶安索取指示，自己沒有干預遺囑，「如果佢哋其他都滿意，我冇乜所謂，因為我已經擁有間公司，生活得好好，我唔係好緊張，最緊要屋企人大家唔好唔開心」。

林建岳稱曾問父「有冇人仲要take care ?」 林伯回應「冇」

林建岳憶述自己11月底得悉遺囑內容後，有一日晚上單獨「拿住嗰份嘢探我爸爸，同我爸爸食宵夜⋯⋯問我爸爸呢個係咪你願望？有冇人仲要take care？佢話冇。我重話有一樣嘢好尷尬，涉及Highfit（高發）官司，involve Pearl同佢媽媽，我問應該點handle個case，佢話唔理，一定要照去！」Charles Hollander引述林建岳供詞中提到林伯只曾回應指「好好」，質疑林建岳杜撰上述內容，林建岳否認，解釋指「只係講真話」。

案件編號：HCAP 4/2011

法庭記者：陳子豪

--

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。