93歲黃夏蕙嘆時日無多搞最後派對 與仔女見面交代遺願 遺體捐醫院做大體老師
娛樂圈縱橫近70年、現年93歲的「夏蕙BB」黃夏蕙，向來熱愛搞活動的她，日前接受在《夏蕙傳》飾演「年輕版潘炳烈」的陳建興訪問，黃夏蕙坦言自己這一年體力明顯衰退，宣布將於4月28日舉行最後一場派對，屆時在派對上，除了恨與七個子女見一面，更會交代遺願，情況令人擔心。
相關閱讀：93歲黃夏蕙試過「畀鬼責」足一個月連工人都搣到瘀晒 渴望見到祥嫂：而家都好掛住佢
黃夏蕙點為乜要舉行最後一場派對？
黃夏蕙搞最後派對交代未完成的事
對於今次這個決定，黃夏蕙稱主要是因為這一年體力明顯下降，更希望交代好未完成的事：「呢一年我發覺自己有時好似有心冇力，可能年紀太大，同埋我太擔心，所以會將自己所有嘅嘢交落去，百年歸老之後唔會火葬，就想我嘅body送畀醫院，畀人做有用嘅嘢。」黃夏蕙還說：「我已經90幾歲啦，我本來唔驚死，但有未完責任，我唔捨得我個基金做唔成一件事，我嘅基金正籌備一間老人院，或者畀無家可歸嘅人有一個安息嘅日子，連名都改埋，叫『夏蕙之家』，希望我呢個願望畀啲有為嘅人繼續去搞。」黃夏蕙今次算是圓自己的心願：「我都邀請咗好多可以做嘢嘅人做我慈善基金榮譽會長，我要交低畀佢哋，我自己都好大感慨。」
黃夏蕙提到自己有4仔3女，7名子女都定居不同地方，並各有事業家庭，她表示：「我好放心，佢哋個個都有自己生活，搵到自己鍾意嘅嘢。自從我先生離開咗之後，我個家都散咗，我就做自己嘅嘢。28號嗰個party，我希望我啲仔女能夠見我一面，因為時間無多啦，我都已經係90幾歲，我呢個慈善基金都要交畀有緣人去做，所以我希望我啲仔女能夠同我合照，同埋我所有朋友一齊見吓，人生冇話不死，本來我係唔驚死，但係我有好多未完嘅責任，所以我自己都好驚死。」
黃夏蕙往年上頭炷香破格造型：
黃夏蕙活到92歲從未試做身體檢查
黃夏蕙更表示活到92歲從未試做身體檢查，因為怕入醫院後，做不到未完的事：「完成活動之後，唔會再周圍去，會留喺香港，我即刻會入醫院檢查，如發現有甚麼問題都冇怨了，因為已經了咗心事，我一啲都唔擔心，反正我都願望成真，而家只係希望多啲人會嚟嘅party。」黃夏蕙更透露長輩留下了一個基金給她，資金足以起幾間老人院，在最後一次的活動後，她就會去處理。
最後，黃夏蕙提到與有婦之夫胡百全的一段情，黃夏蕙指當年胡百全極愛小朋友，所以為對方生了7個仔女，又大讚胡百全愛得黐纏，即使有老婆亦對她照顧周到，安排好七個仔女到外國讀書：「佢唔使你出聲先做一樣嘢，知你凍又去買定好多衫，以前就算佢有老婆都每個鐘頭一個電話，我日日都同佢一齊。」黃夏蕙又透露胡百全有不少女人埋身，有次知道他與女性打邊爐，更上對方的公司反枱，又表示曾幾次想離開呢段關係，並飛到台灣及修道院避胡百全。
其他文章：
黃夏蕙讚老公好浪漫每年情人節都送花 過年後超忙為電影《夏蕙傳》選角
重溫黃夏蕙上頭炷香破格造型！03年被扯甩假髮 神心上香全因鄧碧雲鳳凰女？
黃夏蕙92歲壽宴！細女Maggie激罕現身香港 氣質神態倒模媽咪
-------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
