中年好聲音２丨譚輝智與胡楓有密切關係？ 狄波拉竟是Fans為偶像甘做一件事
TVB歌唱真人騷《中年好聲音2》的三甲已經圓滿落幕，三甲得主分別為古淖文、譚輝智及顏米羔。連日來譚輝智的人氣相高企，連狄波拉都被迷倒，他的比賽唱歌的片段可以重覆睇30次以上！日前譚輝智接受胡楓的訪問，想不到兩人竟然有淵源！
相關閱讀：中年好聲音2 丨譚輝智太太罕現支持老公 一對仔女見證爸爸得獎有呢個反應
胡楓同譚輝智有親戚關係？
譚輝智是胡楓世侄
一班《中2》的學員早前齊齊為《中年好聲音2 紅白大戰》綵排，期間胡楓到電視城邀請學員現身他的小紅書節目《修哥萬花筒》，雖然譚輝智本來打算與胡楓握手招呼，不過胡楓狀甚興奮地先介紹譚輝智：「各位朋友，呢位呢，就係我世侄。」接着再與譚輝智熱情握手並說：呢個世侄非常非常乖，又非常非常之叻。點解呢？因為佢爸爸、我叫佢做籌哥嘅，同我非常之好朋友。」胡楓問譚輝智為何會參加《中2》，譚輝智說：「其實都係多得佢嘅推動，同埋自己都想了一了心願，想出嚟試吓唱歌係乜嘢感覺。」
譚輝智的爸爸譚握籌原來亦是唱歌發燒友，曾經與十一哥何國材開音樂會，譚輝智被問是否有影響？他說：「絕對係，我係由細開始聽爸爸唱歌，到而家都仲聽緊，而家佢有好多騷。」胡楓稱譚輝智爸爸譚握籌原來自組慈善樂隊名為「福祿壽」，經常唱歌做慈事，譚輝智指胡楓不時客串，譚輝智坦言：「其實最初係冇壓力，到咗後期多咗人關注，所以我都有諗吓自己有乜嘢可以突破，點樣先可以再進步，改變下唔再木獨。」
譚輝智家庭生活相：
早前資深傳媒人汪曼玲稱拉姑狄波最鍾意譚輝智，在訪問上後胡楓問譚輝智是否識狄波拉，稱狄波拉也是譚輝智粉絲。譚輝智笑說：「呢個梗係識，我細細個就聽到佢個名，真係估唔到，我都係近期先知，嗰次係去咗陳淑芳嘅生日宴會，知道佢有留意自己，我見到佢背後嗌我叫，我就心諗邊個，喺呢個場都會嗌我個名。一擰轉面，原來就係狄波拉，我哋成晚都傾偈，話好鍾意呢個節目。」
胡楓又稱狄波拉認識譚輝智之前，每次食飯都會談及譚輝智：「我特登講：『輝智有咩好呀？』個個都笑，我就望住佢表情點啦，結果佢都知道我講笑，都笑啦。」對於有指譚輝智今次大熱倒灶，譚輝智說：「我從來都冇諗過排名，自己想去到點，只係想自己唱多啲，只要能夠唱一次已經好滿足。」胡楓更稱狄波拉明言要做譚輝智歌迷會會長：「佢仲係一路打麻將，一路都要聽你嘅歌㗎！」譚輝智笑說：「我知呀，佢個個都有聽嘅。不過呢啲（歌迷會會長）係粗重嘢嚟，但係真係多謝佢，起碼知道我係邊個，我會繼續唱，爸爸都冇話一定要打理佢啲生意，最緊要做番自己鍾意嘅嘢。」
其他文章：
《中年好聲音2》譚輝智變星媽殺手 影帝媽媽被迷倒每條片睇3、40次？
中年好聲音2決賽丨亞軍譚輝智馬主爸爸是建築工程公司東主 早前自揭已婚有子女
中年好聲音2決賽丨鏡頭後鮮為人知的一面！慶功安排呢款食物有寓意？譚輝智一舉動令人感意外
中年好聲音2丨亞軍譚輝智結婚照罕曝光 索妻五官標緻婚紗Look飄仙氣
-----------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
