琦琦回應18歲囡囡任晴佳愛夜蒲 放綠燈讓成年愛女拍拖：唔輪到媽咪話事

馬詩慧（Janet Ma）與琦琦今日（1日）出店著名設計師Lulu Cheung新店開幕，馬詩慧表示跟剛加入模特兒界，便跟Lulu Cheung合作，更大讚對方所設計的服飾不會過時。談到本月16日是幼子王躍穎（Kadin）的24歲生日，馬詩慧說：「囝囝會喺美國渡過，大女Kayla亦喺當地，二女Irisa都會過去，我就未必。」當笑指馬詩慧奉旨跟老公王敏德渡過二人世界聖誕節，馬詩慧笑言還有兩隻愛犬，更認為愛犬是家人，亦不會捨得將牠們放置在狗酒店。

問到老公可會為她製造浪漫？馬詩慧笑稱老公的確比自己浪漫，不過並非每年有禮物，但認為大家一起多年，最好禮物是開心同健康。談到收現金禮物會否更開心？她笑說：「唔止老公！大家都可以送畀我。」

【相關閱讀】：王敏德馬詩慧有心有力再添家庭成員 王麗嘉帶「細佬」過富貴生活

【點擊睇馬詩慧琦琦出席活動相】：

馬詩慧今日（1日）出店著名設計師Lulu Cheung新店開幕。

與Lulu Cheung（中）合影。

問到老公可會為她製造浪漫？馬詩慧笑稱老公的確比自己浪漫。

馬詩慧認為大家一起多年，最好禮物是開心同健康。

馬詩慧依然保養得不錯。

歐陽妙芝。

參加新店開幕的嘉賓大合照。

Lulu Cheung（中）請到眾多名模出席開幕。

同場出席的琦琦現在專心搞自己的生意。

琦琦謂老公任達華現身處內地拍戲。

琦琦說：「老公每日都同我視像，吃飯時又同我傾計。」

談到女兒任晴佳在社交網大晒夜蒲靚相，琦琦笑指女兒只是正常社交，並謂女兒每次外出也會跟她講。

同場出席的琦琦，表示跟一班模特兒及設計師好友在電話群組相約聚會，加上現年18歲的女兒任晴佳（Ella）在英國讀書，所以專心搞自己的生意，並謂老公任達華現身處內地拍戲，不過她因感冒今早睇醫生，亦體諒老公的工作。她說：「老公每日都同我視像，吃飯時又同我傾計。」談到做達主演演的電視劇《新紮師兄續集》於深夜重播，她說：「我未睇過呀！咁夜播我瞓咗，叫TVB早啲播，呢排好見朋友都講呢套劇。」琦琦又指聖誕節老公要為兩部戲宣傳，女兒亦會返港，所以一家人可以共渡聖誕節。

談到女兒任晴佳在社交網大晒夜蒲靚相，琦琦笑指女兒為朋友慶生，只是正常社交，並謂女兒每次外出也會跟她講。她說：「佢唔飲酒、唔吸煙，都無拍拖！（不容許女兒拍拖？）佢18歲，拍拖好正常，呢啲唔輪到媽咪話事，就算18歲拍拖都正常。」琦琦又爆女兒在英國讀書經常跟她視像，因為也知道父母會掛住她，並會抽時間視像聯絡，亦會告知行蹤，所以也很放心。