星8卦｜苦戀無結果 「女主角」出狠招激到「高層」入醫院

「女主角」同「高層」一直苦戀多年，最近嘅結局都幾令人唏噓。話說「女主角」做?妹時，因為單親所以對年紀大嘅男人一直有好感。「高層」嗰陣已經好有江湖地位，「女主角」同「馬騮」分手之後就同「高層」有曖昧，雖然佢成日發小姐脾氣，但只要「高層」出面?番吓佢又會乖乖返娘家做嘢，最緊要係「女主角」真係旺場，鋪鋪都可以挽回聲勢。

可惜喺等到「高層」同前妻搞清關係，「高層」反而嚮往呢種無人管嘅自由，「女主角」叫佢公開關係又唔肯，等足咁多年女人自然心淡，但最絕係「女主角」竟然同咗「高層」其中一個沙煲兄弟一齊，仲好快公開男女朋友身份，人前人後表現恩愛，搞到「高層」有苦自己知，最近仲鬱到入埋醫院，醫生話佢呢個病係因為有太多心事，影響情緒。

「女主角」其實係好鍾意「高層」，但另一方面亦希望有個身份，雖然沙煲兄弟都畀唔到名份，但就錫到天上嘅公主咁，絕對唔會令「女主角」感到委屈。最近「高層」終於再帶女人喺身邊，奇在呢位新歡每個角度都同「女主角」有八分相似，證明「高層」對「女主角」念念不忘，最慘係做咗兄弟條女，無得返轉頭，惟有搵個替代品頂吓囉！

【相關文章】：

星8卦｜「肥婆」唔玩得臭品扮公主 被扯甩假髮發癲得罪全世界

星8卦｜「博命」受「高人」寵幸 落難有「浪子」幫忙夠期協議分手

星8卦｜「姣精」冧掂「一號」以為享福 衰貪心一鋪過自斷米路