星8卦｜「短髮」唔識擦鞋得罪高層 撻着「有型」從此行衰運

「短髮」鬼妹仔性格，又未受過專業訓練，好快就做女主角，初時因為生硬俾人鬧到幾乎無得翻身。「高層」初時以為「短髮」屋企有個錢，諗住撈到些少油水。可惜「短髮」唔係好識撈，對「高層」無表示不特止，仲傻頭傻腦話佢貪心，傳番去「高層」耳中，梗係死得啦。

「高層」心腸一向小家唔成大器，一直等機會將「短髮」玩殘，而且周圍話畀人知呢條女唔掂，又鍾意勾引男人。等到開部畀「短髮」好有發揮嘅新劇，「有型」對佢生滋貓入眼，加埋合作多日見夜見，兩個人乾柴烈火，越愛越激烈。「有型」前科唔乾淨，成日同合作開嘅女人搞曖昧，當日娶個老婆返嚟擺，點知越嚟越索，無非都係頂佢嘅花心唔順，執正自己將來有乜都唔怕搵唔到下一個。

「短髮」由於無經驗，對「有型」投入太多感情，出唔番嚟，所以俾「高層」搵到機會入位，係咁同公司啲管理層話佢要入雪櫃，因為已經嚴重違反演員操守，搞人老公罪大惡極喎。最慘係幾個單位對質時，「高層」竟然承認乜都係自己搞出嚟，因為好憎「短髮」係要佢無得翻身。「短髮」EQ勁高，聽完之後，木無表情，無人知佢諗乜但自此之後，「短髮」唔再信人，獨來獨往，都幾陰功㗎！

【相關文章】：

星8卦｜「猛男」衰寸被杯葛 難得復出故態復萌火速被飛

星8卦｜「斯文」靠相睇嫁錯郎 主動離婚搞到情緒病

星8卦｜「歌手」追錯女同志 情定「鬼妹仔」全靠阿媽出絕招