中年好聲音2丨60強名單出爐！三燈選手全入圍 劇集作曲人患糖尿20年感人尋親
TVB歌唱比賽節目《中年好聲音2》今晚（1日）播出盲選最後一輪比賽，並揭曉最終60強名單。今集觀眾最熟悉的面孔，相信就是第一屆《超級巨聲》的劉威煌今日演出《愛上一個不回家的人》，超班演出成功獲得五盞燈直入決賽！劉威煌透露已有十多年無做音樂相關工作：「有段時間有啲掙扎，覺得唱歌係一種壓力，搵唔到食點算。」更獲肥媽鼓勵唱到80歲。
【相關閱讀】：中年好聲音2丨鄧兆尊胞弟鄧兆榮兩子現身撐爸爸 憶已故祥嫂爆喊：一生遺憾
【點擊睇《中年好聲音2》今集內容】：
曾在電影《最佳拍檔》系列中飾演麥嘉兒子的「光頭仔」王嘉明，以bling bling藍色西裝上陣獻唱張國榮的《玻璃之情》，現年40歲、報稱是商人的嘉明親解參賽原因：「10個月大就開始拍戲，到而家40年，好想做一啲嘢留低做紀念。」周國豐對他的演出表示：「你始終係演員出身，你演繹首歌嘅感情係做到。」不過最後只獲得三盞燈。
新秀建築師甘永傑為女兒參賽
42歲建築師甘永傑曾在2006年參加《全球華人新秀歌唱大賽》，今次為5歲囡囡而參加《中年好聲音2》，片段見他播放當年比賽片段給囡囡觀看，雖然囡囡不認得他，但卻送上暖心鼓勵。甘永傑獻唱《這麼近（那麼遠）》，獲伍仲衡讚唱得唔差，陳慧嫻更笑言：「你有啲似陳友哥哥呀！你一定有機會，因為佢退咗休喇，你可以接棒！」可惜同樣只得三盞燈。
電視劇《天地豪情》主題曲《說天說地說空虛》的創作者、報稱待業的陳寶雄演唱自己的首本名曲，賽前訪問還表示自己想再為TVB寫主題曲，更希望能夠自己親自演唱。他唱畢後剖白自己是長期病患者，患糖尿病20多年，三年前更糖尿病上眼，右邊視力受到影響，左眼在今年6月開始亦出現惡化：「因為呢件事情緒好低落，好驚，好唔開心。好彩有《中年好聲音》呢個節目，令我記返起我有個音樂夢。我對眼雖然有事，但我仲有把聲。」
陳寶雄被批咬字用力
評判伍仲衡表示認出陳寶雄，指當年曾經玩過比賽，陳寶雄還說：「我記得，你當年好斯文，好瘦。」之後伍仲衡指陳寶雄要留意拍子，第一段太趕又太大力。周國豐亦指主歌部份歌詞又密又多：「我都戥你擔心。」陳慧嫻亦認為陳寶雄咬字太用力。最終陳寶雄僅獲得三盞燈，有機會入決賽。
車婉婉隨後拿出一封信，原來陳寶雄有個親戚一直想找到他，見到陳寶雄參加《中年好聲音2》而寄信給車婉婉，希望可以在節目中朗讀信件。原來是陳寶雄的堂哥「崑哥」，指兩人已經失聯幾十年，「心中一直掛念」，讀信期間兩人都眼濕濕。「崑哥」更與其他親戚「六姐」到錄影廠支持他，陳寶雄亦表示認得堂兄。「崑哥」在台上說：「真係非常多年，非常之掛住佢。」陳寶雄在比賽後接受訪問說：「我估唔到我堂哥會嚟，真係發夢都估唔到，我冇見佢成30年。」
節目尾段主持車婉婉宣布60強名單，指因為四、五盞燈的參賽者不夠60人，三盞燈的參賽者亦全數晉級；不過依然未夠60人，還剩下四個名額，最終五位評審要在兩盞燈的選手中，再挑選四人。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
