杭州亞運｜3個得意吉祥物 寄託「父母」一種愛意

話咁快，杭州亞運今個星期六開幕，到時會經常見到今屆吉祥物。呢三個咁得意嘅公仔，究竟係乜來歷？依家詳細話你知。

今次主辦城市杭州，有悠久歷史文化，亦為著名旅遊城市，贏得全球徵集大賽設計者，係曾經居住杭州14年、任職中國美術學院張文及楊毅弘，兩夫婦設計3個吉祥物，靈感來自3大著名景點，寄意對呢個城市嘅愛。

即睇杭州亞運3大吉祥物來歷︰

「蓮蓮」代表西湖美景

西湖十景中，最著名係「三潭印月」。

西湖十景中，最著名係「三潭印月」。

「蓮蓮」頭頂塔尖取自「三潭印月」。

良渚古城遺址，由「琮琮」做代表

良渚古城遺址

良渚古城遺址

良渚遺址神徽「神人獸面紋」。

京杭大運河由「宸宸」代表

京杭大運河終點「拱宸橋」

京杭大運河終點「拱宸橋」

京杭大運河終點「拱宸橋」

三個吉祥物，分別為「蓮蓮」、「琮琮」、「宸宸」，組合名為「江南憶」，取自詩人白居易名句「江南憶，最憶是杭州」；當中包含兩夫婦居住杭州，同孩子到名勝遊玩時，所留下美好回憶。

「蓮蓮」與西湖

西湖，係當地最著名景點，有所謂「山外青山樓外樓，西湖歌舞幾時休？ 」代表吉祥物係「蓮蓮」，全身色調湖水綠，描繪西湖夏天接天蓮葉美景。

記得留意，「蓮蓮」頭頂上有尖塔，正係「西湖十景」之中，最著名「三潭印月」。

「琮琮」與良渚古城遺址

良渚古城遺址，由「琮琮」做代表。發掘考證遠至公元前3300至公元前2000年，屬新石器時代遺址。見唔見「琮琮」額上有個圖案？其實係浪渚文化標誌性符號「神人獸面紋」。

「宸宸」與京杭大運河

京杭大運河，由「宸宸」代表。點解用宸字？原來係代表運河終點「拱宸橋」，額上3個圓點，象徵橋洞及倒影。唔單止咁，頭頂水狀圖案，仲玩埋杭州另一最具知名度嘅「錢塘江潮」，極有心思。

結合人工智能，係今屆亞運主題之一，因此吉祥物以機械人為造型。高科技之餘，設計者亦希望大家能將「蓮蓮」、「琮琮」、「宸宸」視為杭州市民，迎接參加亞運的朋友。如能做到呢點，作為「父母」會感到榮幸同安慰。

_____________________________