【獨家專訪鄭中基】下月加國開騷！鄭中基：留言話我知想聽咩歌！

【星島記者專訪】恭喜鄭中基成功向紅館申請舉行個唱！明年2月農曆新年期間，他將會繼2019年《One More Time世界巡迴演唱會》後，再度登上紅館舞台。他指自己由去年中秋開始每個月入紙，已經入到變咗每個月的指定動作，終於「鐵柱磨成針」他在社交媒體上率先跟大家分享喜悅：「當收到紅館成功批畀我哋封信，嗰一刻，個腦空白一片，心諗：係唔係㗎？真係得咗啦？我真係暈一暈，然後花咗10幾分鐘冷靜咗個人之後就諗點樣部署。」

呼籲樂迷留言 分享想聽歌曲

身處加拿大的我們較香港樂迷更幸運，下個月就可以現場欣賞鄭中基的演出！他將於10 月28 及31日於溫哥華及多倫多，舉行《Fragments of Wonder鄭中基世界巡迴演唱會2023》加拿大站。距離演唱會還不夠兩個月，兼適逢加拿大《星島頭條》一歲生日，本刊特別跟他做了一個專訪，他對《星島頭條》讀者說：「加拿大嘅朋友我哋好快就見面喇，希望我地為你哋準備演唱會嘅rundown 你哋會喜歡，有咩歌想聽可以留言畀我，我再度下有冇機會排返啲今次rundown 冇，而你哋又想聽嘅歌啦。」

加拿大的樂迷下個月就可以現場聽鄭中基唱歌，Ronald仲話可以留言話佢知想聽咩歌，等佢加入Rundown。

今次演唱會的主題靈感源自於疫情爆發，經歷完這段時間，他深刻體會到，無論環境多麼惡劣、困苦，人們都能找到快樂的碎片。他也發現香港人具有很強的適應能力，這讓他決定創作Fragments of Wonder（奇跡的碎片）這個概念。他說希望今次加拿大站演唱會能夠貼近本地樂迷喜好，歌單應該與7 月舉行完的澳門站不同，更借今次機會請加拿大樂迷到網上向他留言，希望選曲方面能盡量滿足大家。

7 月在澳門舉行演唱會，Ronald希望觀眾透過今次演唱會的主題「Fragments of  Wonder」找到快樂的碎片。

老婆余思敏當然力撐Ronald，現身支持澳門場演唱會。

身兼監製 掌控話事權

今次巡迴演唱會他更自己做埋監製，「主要因為今次係我哋公司機動娛樂主辦，所以變咗個話語權都可以多啲，我對於演唱會都有多啲自己嘅想法想擺落去。做埋監製其實最大嘅分別就係要再睇多啲個製作，要計數，睇住成本，除咗兼顧唱歌之外，仲要加埋監製嘅工作，都係一個好大嘅挑戰。」

近年除了唱歌和演戲，大家在YouTube 上都可以經常找到鄭中基的蹤影。他主理的公司「機動娛樂」於2020 年開始成立YouTube 頻道「機動電視台RTV」。為慶祝頻道誕生3 周年，早前特別舉辦《機動兵工廠》，將真人實景綜藝節目搬到自己的頻道，並邀請星級導師謝君豪等培訓學員，提升他們的演戲能力，又有吳君如做評判，製造了不少noise。之後他的頻道亦陸續會有新搞作。「搞完《機動兵工廠》，簽咗班學員，佢哋有好多idea 想拍，我會同佢地商量一下，之後拍啲咩畀大家睇就拭目以待。」

鄭中基個人網上頻道早前舉行《機動兵工廠》活動，在600人中挑選出6名學員接受「星級」訓練。他坦言學員有好多新想法，可以放入去YouTube Channel。

渴望演啞殺手

除了唱歌了得，鄭中基的演技亦早已獲得認同。他於2012 年憑《低俗喜劇》的爆笑演出（暴龍哥一名也是由此而得來），分別獲頒金馬獎及金像獎的最佳男配角獎。近年在電視劇《暖男爸爸》飾演父兼母職的單親爸爸，令大家發現原來他不單只擅長演喜劇，內心戲都好得。

「每一次演出我都想有啲唔同，所以其實每一次都係挑戰。好開心《暖男爸爸》可以俾到觀眾對我有新嘅睇法，希望嚟緊有多啲唔同嘅角色可以繼續挑戰。我特別想演啞殺手，又帥又不用記對白，哈。」

《暖男爸爸》之後，Ronald最想飾演啞殺手，因為「又型又不用記對白」！

在新一輩演員中，他跟MIRROR 的呂爵安（Edan）曾經數度合作，繼年前叫好叫座的《闔家辣》後，二人在數月前上畫的新戲《死屍死時四十四》再演父子。上周更孖「姑媽」吳君如擔任Edan 個人演唱會嘉賓，錫Edan 錫到出曬面。鄭中基大讚Edan 是他近年最欣賞的演員，「Edan 聰明又勤力，相信不同角色都難佢唔到。」

「老豆」Ronald大讚Edan聰明又勤力，是他近年最欣賞的新一代演員。

最近更與「姑媽」吳君如擔任Edan個人演唱會嘉賓，錫到燶。

不想再賣慘

相信樂迷都想知道甚麽時候可以再聽到他的新歌。「我仲有隻國語嘅新歌加舊歌重錄碟未出。如果可以嘅話，未來想做多啲開心嘅快歌，因為以前嘅歌都比較慘。忙完今次演唱會之後，嚟緊就係走tour 啦，依家簽咗啲新演員，所以有好多想法想擺入去個YouTube Channel 度，另外，今年同出年都有啲電影計劃。」

未來工作排得密麻麻，除了演唱會、電影和YouTube，Ronald透露將會有國語新歌出。

撰文：Peonne Lung
圖片：受訪者提供、星島圖片庫

V09