油塘地盤墮石屎碎擊中兩學神車 擋風玻璃爆裂穿窿 教車師傅直言「梗係驚啦！」

油塘嘉榮街休憩處對開，今（9日）中午12時19分，當時有私家車及客貨車「學神」學車期間，突然聽到一聲隆然巨響，屬於新觀塘駕駛學院的私家車，車尾擋風玻璃應聲爆裂，破了大塊車窗。尾隨另一部「學神」客貨車車頂亦有輕微損毀，幸兩車的教車師傅及學生均無受傷，警方調查後，相信是附近房委會地盤建築碎石墮下，地面遺下一堆碎石。

私家車車尾擋風玻璃爆裂，穿了大窿。梁恩延攝

警員圍封現場一路段調查。梁恩延攝

現場為教車路線。源琛薇攝

警調查後相信是附近房委會地盤有建築碎石墮下。源琛薇攝

現場遺下碎石。源琛薇攝

後車客貨車車頂被石屎擊中輕微損毀。梁國峰攝

教車師傅侯先生對墮石屎毀車坦言「梗係驚啦！」梁國峰攝

客貨車車頂損毀。梁國峰攝

梁國峰攝

被擊毀車尾擋風玻璃的私家車教車師傅侯先生事發後表示，「當時玻璃爆咗，後面架學車影到過程，但唔清楚，睇唔到塊石屎有幾大，相信係碎石。」被問到當一刻感受，他坦言「梗係驚啦！咁大聲嘭一聲，唔敢落車，唔知啲嘢邊度嚟。」事發後其學生因返工已離開。他指肇事地盤已興建一段時間，教車經常經過此路段，「擔心都冇辦法，都要行，係考試路線，冇得避！」

而後面拍到過程的客貨車教車師傅王先生則目擊案發過程，「見到前車爆玻璃，5秒內就聽到（我）車頂有物件跌落嚟，之後就停埋一邊。唔只一粒（石屎）跌落嚟，我車頂都受損。」客貨車的學生原要在下午1時45分考試，卻撞正墮物毀車事件。警員在現場圍封一路段調查事件。

---