【我家移加121】咖啡機的禮儀

【專欄】住在香港地方狹窄，不是每家每戶都會有部咖啡機看門口。但在加拿大，租一間房的apartment都已經比香港住的環境大得多。一部capsule咖啡機價錢唔貴而且咖啡種類又多，所以我們添置了一部capsule咖啡機在家。

一般咖啡機用家有三類。有人認為咖啡capsule應該是自己用完自己掉；有人會認為應該是下一位用家掉，因為剛剛沖完咖啡capsule仲熱要拎出嚟有困難；當然最後一類就係唔記得掉。還有的是咖啡機後面有個水箱，好多時都忘記了加水。在家我們沒有實際上去溝通，只有默認當部啡咖機旁邊已經冇曬capsule，最後一個人用完capsule之後就要從盒中refill返。

有一日，我當我想飲咖啡時見到咖啡capsule 無曬，記起趙生今朝先飲完。就去同趙生講「飲曬咖啡就refill 返啦」，點知趙生嘅回覆令我哭笑不得。佢話今朝本身都無諗住飲，只係煮早餐的時候見到水箱無水，拎水箱去加水時發現有粒capsule在咖啡機後跌出嚟，所以嗰個capsule 唔計，最後一個飲的是我要我refill 。我哋兩個一齊大笑。

後來趙生就分享了他在辦公室時不同人對掉capsule的故事，所以先有文章開始時所歸納的三類人。我覺得來到加拿大的生活雖然平淡，不過都只會係因為有環境改變，才會遇見的問題。從來未想過飲一杯小小的咖啡都要有相應的禮儀。對於初來報到的我們對於加拿大做事方式，一定要保持一個開放的心態去了解本地人做事方式同禮儀，如果唔係一個唔小心會同人結怨。

最後，趙生死死氣地去refill capsule，哈哈。

文：隔籬屋趙師奶

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。