《歡樂今宵》元老杜平為家庭移澳多年慶祝鑽石婚 與溫兆倫翁虹上契教後輩做人
粵語片年代當紅小生、 《歡樂今宵》的元老級主持杜平在80年代初移民都澳洲生活，早年在當地搞地產生意，又試過籌辦梅艷芳演唱會，其後又開設餐館 ，瓣數多多，不過多年來與演藝圈的朋友依然保持聯絡，今年已經87歲的杜平，將會在今年5月與慶祝結婚60周年，本來50周年金婚以及80大壽也是在香港舉行，原先計劃60周年鑽石婚亦在港舉行，但因疫情關係，決定在澳洲慶祝，不過仍然邀請圈中好友到澳洲參加慶祝派對。資深傳媒人汪曼玲與杜平相交多年，當然亦被邀請，她曾致電恭喜杜平，言談間提及60年婚姻之道，汪曼玲轉述杜平的說話：「咁多年來多謝太太忍受我的缺點，過程中也有風波，最緊要是互相忍讓。忍吓忍吓就60年。」
【點擊睇杜平近年相片】：
杜平曾經在訪問上當年因為投資失敗而不開心：「我太太係喺澳洲畢業，嗰陣有間醫院想請返佢做急症室護士，因為嗰陣好多人移民去澳洲，想搵返啲識講廣東話嘅人做護士，仲畀咗一個好好嘅條件我哋一家，太太叫我好好諗吓家庭，於是決定一家一過去。」杜平又大讚太太「忍功一流」：「嗰陣因為生活需要，晚晚去咗飲酒到朝早先返，初期同太太有好大拗撬，真係好多謝太太忍受我的缺點。」他亦承認移民澳洲後，確實令婚姻有改善：「因為冇人陪你癲，好腳踏實地咁做嘢，嗰陣我都要家庭負責，過程係有挫折，但係都要做。」他試過做地產和美食廣場，不過失敗收場，最後在當地開日本鐵板餐，結果一做就了超過20年。
杜平的朋友可謂相識滿天下，但原來溫兆倫是他的契仔，翁虹是他的契妹：「我同溫兆倫真係上契，嗰陣我搵溫兆倫去澳洲登台，佢當時態度好囂，自以為係大明星，於是我捉佢埋一邊傾偈，我話佢咁嘅態度又何呢？我話地位係人哋畀你，做藝人要識得放低自己嘅心態，冇一個藝人可以年年都企頭位、企中間，而且頭位、中間位都係人哋畀，你夾硬企埋去都無用，人哋可以叫你行開。」其後到第二次找他登台，態度變得隨和很多：「佢話不如唔好叫我做平哥，叫我做老竇啦！於是我哋正式上契。」杜平又稱與翁虹上契都是一種緣份。杜平也談到昔日好拍檔沈殿霞：「肥姐好好心地，我哋喺拍粵語片已經認識，不過佢追思會去唔到，之後專程去溫哥華佢墳前上香同獻花，我好尊重同珍惜呢個好朋友。」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
