阿一布偉傑冇錢被離婚？眼濕濕談前妻：女人諗嘢似蜘蛛網，每樣都有挐掕
有「御用外國人」之稱的布偉傑（阿一）因於TVB劇集《同事三分親》中，演出「韋一」一角而為人熟悉。2018年布偉傑離巢TVB向外闖，獲得不少拍攝電影的機會，同時他亦積極打入內地市場，因而用心經營抖音帳號。日前他於抖音拍片，宣布已跟第二任太太Celia離婚，結束6年婚姻。他坦言未清楚離婚原因，但可能因疫情的關係，令自己的經濟狀況不穩，在這壓力下，導致生活模式變了，最終令Celia提出分手做回朋友。
【相關閱讀】：阿一布偉傑抖音「表演」小便 展示香港零距離尿兜：地方細住得貴
【點擊睇布偉傑講前妻】：
布偉傑的影片令不少人解讀為Celia因他的經濟問題而離開他，布偉傑近日再於抖音拍片澄清前妻非因他沒有錢而離婚：「佢絕對唔係咁嘅人，其實我哋結婚嘅時候，我經濟能力都唔係咁穩定，但佢畀咗個機會我。我哋一齊9年，我都非常感激佢，甚至而家離咗婚做返朋友，都仲喺度鼓勵緊我。」
布偉傑談及前妻都不禁眼濕濕，可見他仍未走出離婚傷痛，布偉傑指希望更多男人學識兩夫妻之間很需要溝通：「好多時啲男人做緊啲嘢，都認為係為個家，係為佢（伴侶）好啫！但如果唔用時間多啲同佢分享，咁就有好多誤會，男人係要錫多啲身邊嘅女人，多啲畀佢知你嘅諗法。」又指男人想事情永遠太簡單，與女人的思維有所不同：「男人可以分開每一樣嘢，好似完全冇挐掕，女人唔係，女人所有嘢好似一個蜘蛛網，每一樣嘢發生都會有挐掕。」最後亦多謝前妻多年來的支持和鼓勵，亦多謝網民得知他離婚後的關心。
在美國出生的布偉傑，在大學時主修中國文學及亞洲研究，不但講得一口流利廣東話、普通話、英語及柬埔寨語，而且睇中文劇本也完全無難度，1999年來港拍戲，至2006年加入無綫後即成為「御用老外」，2007年憑處境劇《同事三分親》的韋一成功入屋，自此之後大家統稱為阿一，接着所有外國人的角色，包括外籍警司、恐怖份子、神父，也例牌由他上陣。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
