【一刀不剪】杜琪峯柏林影展大膽發言 批評獨裁者對待電影視頻曝光

【評審記者會】「第73屆柏林影展」於香港時間昨晚(16/2)開幕，如往年一樣，一眾評審現身記者會，今屆由《史賓沙》女星姬絲汀史釗活（Kristen Stewart）主競賽單元評審主席，2008年憑《文雀》角逐柏林影展最高榮譽金熊獎的導演杜琪峯，首次擔任評審。

評審召開記者會，杜琪峯以廣東話答問時說，在極權面前，「我覺得電影永遠在前鋒，當如果有極權嘅時候，人民失去自由嘅時候，電影通常係首當其衝，好多地方都係，一定係停咗你嘅文化。電影文化係直接入觀眾入面，獨裁者通常對付嘅一定係電影。我覺得香港……（NO！Sorry）全球爭取自由嘅國家及人民，佢哋都要支持電影，因為佢係為你發聲。」

評審團見傳媒。姬絲汀史釗活任主競賽單元評審主席。

評審團見傳媒時，談及電影的重要性及為何不死?帶上翻譯的杜Sir以廣東話表示:「我覺得電影永遠在前鋒，當如果有極權嘅時候，人民失去自由嘅時候，電影通常係首當其衝，好多地方都係，一定係停咗你嘅文化。電影文化係直接入觀眾入面，獨裁者通常對付嘅一定係電影。我覺得香港……（NO！Sorry）全球爭取自由嘅國家及人民，佢哋都要支持電影，因為佢係為你發聲。」

翻譯以英文重覆他的發言後，現場響起掌聲。杜琪峯其後再補充，電影的成就與成本沒有必然關係，他曾拍過幾部成本不多於200萬港幣的電影，拍得很開心和舒服。他稱，拍電影最重要是熱誠和想像：「如果冇咗passion同vision，所有藝術家都做唔到佢想做嘅事。那怕佢俾100億你，你冇就係冇，你有就係有。」

問到最近有否看到印象深刻的電影，杜Sir直言覺得現時電影質素不及過往，但希望只是暫時，「而家嘅電影差咗，全球嘅電影都差咗，我自己睇電影嘅世界好似漸漸消失，唔係我以前對電影嘅世界，可能我講嘢好大膽，但呢個係我真心嘅說話。」
 

杜琪峯獲選成為柏林影展主競賽單元評審，是繼張曼玉後，第二位同時出任過歐洲三大影展，柏林、康城及威尼斯影展主競賽評審的香港電影人。

杜琪峯先後擔任歐洲三大影展評審。

另外，本屆柏林影展的開幕電影為女導演Rebecca Miller執導、安妮夏菲維（Anne Hathaway）主演的《She Came to Me》，大導演史提芬史匹堡（Steven Spielberg）將獲頒終身成就獎。