情人節單身女性感搶Fo 陳婉衡激晒T-back位紋身 胡定欣出怪招扮特技人

街裏愛人一對對～適逢今日情人節，圈中不少夫妻、情侶紛紛在社交網趁機放閃，實行閃盲一班「單身狗」！為了在這片「花海」之中突圍而出，一眾冇花收的「星級單身貴族」即大派福利圖搶Fo，當中以「36E無綫咪神」陳婉衡、及有「最靚設計師」之稱的Lilian Kan（簡幗儀）最性感，胡定欣竟然靠「綠幕特技Look」成功搶Fo！

【點擊睇女星福利圖】：

先睇輕量級福利圖，率先派出的是晒腿戴祖儀。

14年港姐亞軍王卓淇都晒出長腿。

童星出身的前韓國女團CLC成員莊錠欣亦加入戰團。

莊錠欣穿上小背心大擺誘人Pose。

近年轉戰內地發展的莊錠欣早前回港探親。

莊錠欣露香肩。

莊錠欣晒「牀照」。

莊錠欣晒靚腿。

莊錠欣高炒輕晒事業線。

莊錠欣難得性感。

《香港小姐再競選》亞軍李芷晴穿碎花衫拋美胸。

白雲問閨蜜借花拍片。

白雲向鏡頭飛吻。

胡定欣以「All Red貼身透Bra Look」凸顯一副Fit爆身材。

網民大讚胡定欣「S」形線條冇得頂！

不過都有網民批評胡定欣個造型似「綠幕特技衫」。

網民仲勸胡定欣以後少啲冒險好啲，真係苦口婆心。

輪到「重量級」噴血Look，率先登場係「最靚設計師」Lilian Kan。

Lilian Kan晒出多張穿上火紅低胸連身短裙照。

Lilian Kan大晒長腿。

望見Lilian Kan個戰鬥格，網民話叔叔不行了。

Lilian Kan講咗一串英文，但，Who Cares！

Lilian Kan大晒3吋事業線，性感程度爆燈！

陳婉衡以喱士內衣造型上陣。

陳婉衡大晒E Cup豐滿上圍及馬甲線，好索！

一眾單身女星今日（14日）趁情人節於社交網發放「軍糧」益街坊，當中人稱「36E無綫咪神」的陳婉衡以喱士內衣造型上陣，大晒E Cup豐滿上圍及馬甲線；另邊廂的「最靚設計師」Lilian Kan亦不輸蝕，貼出多張穿上火紅低胸連身短裙照，並寫道：「Happy Valentine’s Day! With or without a valentine, I love the elements of Valentine’s Day, Hearts, cherries, roses, balloons and lipsticks? Who can resist? I wish you all a very sweet Tuesday.」Lilian Kan講咩？其實已經不再重要，事關相中她谷盡3吋事業線，仲大騷白滑長腿，一班網民也紛紛表示睇到唞唔到氣：「叔叔不行了」、「戰鬥格」、「頂唔順了鼻血直流」、「最完美嘅情人」。

其他「養眼」代表，仲有在《香港小姐再競選》中奪亞軍的李芷晴，她於IG分享了一張拋胸碎花裝靚相，近日飛赴泰國拍攝TVB全新旅遊節目《請一日假去旅行》的李芷晴留言：「情人節快樂！Happy Valentine’s Day! 喺泰國影咗好多靚相，大家一定要期待下節目出街啦。」另一位是35E失婚「咪神」白雲，身穿低胸裸色Top襯迷你短裙的她，拎住一束玫瑰拍片向粉絲送飛吻，並寫道：「閨蜜生日收的花，借我用一下，姐妹是一輩的。」而戴祖儀則以白色連身短裙大騷美腿取勝。

至於「另類」代表有41歲胡定欣，曾於2021年接受TVB訪談節目《單對單》時，她不諱言已感情空窗五、六年，連身邊好友都開始戥她擔心，而上月亮相賀年節目《新春開運王》時，玄學家李丞責更面有難色，直指她兔年的感情運仍需「努力努力」，看來今年「出Pool」有難度！不過胡定欣依然狀態大勇，於情人節貼出「All Red貼身透Bra Look」凸顯一副Fit爆身材，獲不少粉絲大讚「S」形線條冇得頂，但也有網民認為其造型十足「綠幕特技衫」，還紛紛提供Fashion建議：「下身唔知想點」、「點解着埋條褲嘅？」、件衫好似一塊布左包右包」、「除咗全黑，其他顏色都好易出事，以後少啲冒呢個險好啲！」