獨家丨陳湛文演《廢J》有共鳴窮到冇得揀嘢做 袁澧林獲提名後終有人聽意見

陳湛文(Peter)袁澧林(Angela)首度在ViuTV新劇《殺手廢J》合作,無膽殺手「廢J」遇上文青女神咖啡店長「曾汶清」,整定連做兵都冇資格。 Peter承認同「廢J」幾似,同樣是生活迫人冇得揀工作,更期望角色被拿來跟周星馳比較,明知輸都光榮;而憑電影《窄路微塵》獲多項提名的Angela,就自爆最大分別是現在講意見,終於其他人肯認真聽。採訪杜 攝影:Stanley 形象:Daniel Cheung(Angela) 髮型: Oscar Ngan@Orient 4(Angela) 化妝:Jenny Shih(Angela) 服裝:eye’s Buddy feat. VEDIVERODemic_hkLiberation_hkNew Balance(Peter)

Angela很喜歡《廢J》的劇本,試鏡時已演得好興奮。
Angela很喜歡《廢J》的劇本,試鏡時已演得好興奮。

 

 

Peter對作品好期待,因拍攝過程雖辛苦,但好過癮。
Peter對作品好期待,因拍攝過程雖辛苦,但好過癮。

 

初次跟格仔導演Mike(劉諾衡)及編劇麥可暉為首的「無制限OT編集団」合作,PeterAngela早於試鏡時已勁興奮。Peter說:「我對個casting已經好期待,可能我哋兩個都有睇Mike導以前啲綜藝節目,都覺得呢個人幾有趣,鍾意幫自己打格仔又盛,哈哈佢係有啲癲癲哋,會令我想認識呢個新一代嘅創作人,癲喺邊方面。」而Angela收到試鏡兩場劇本,已過足戲癮,「雖然唔知成個故事講乜,但係淨係睇呢兩場覺得好似周星馳嗰啲喜劇嘅感覺,嗰種無厘頭呀、寸呀,我個角色某啲位會用啲好古怪嘅方法做開場白,所以我casting時好過癮,阿同返我對戲,寫嘢非常厲害,劇本出乎意料係職業編劇嘅水準嚟。」

劇中Peter和Angela是鄰居,Peter為見女神亦會成日去咖啡店打躉。
劇中Peter和Angela是鄰居,Peter為見女神亦會成日去咖啡店打躉。

 

J」連做兵都冇資格

「廢J」之所以廢,除了無膽,仲明明生活環境唔多好,依然堅持揀嘢做Peter都覺得這個設定夠搞嘢,「佢係既有得揀亦係冇得揀,就算幾冇飯食都覺得自己係有得揀嘅,但係佢冇得揀嘅原因,正正因為佢冇飯開。」他話好明白角色,因同自己好近,但Angela竟然唔信問;「你會唔會呀?!《飯戲攻心》總票房第2嘅電影男星都話冇得揀,咁點算呀?!你分享多啲,係藝術上面選擇冇得揀?」Peter就解釋是生活上冇得揀,「我冇試過爛尾工作,我只係試過低budget啫!我聽我啲同業佢試過啲爛尾工作,咁咪好近囉!呢啲真係冇得呃,就好似你《窄路微塵》都係咁為咗個女先去做,係咪先?!」

Peter在疫情期間工作量大減,試過去教班。
Peter在疫情期間工作量大減,試過去教班。

 

Peter演「廢J」冇膽又要做殺,窮到冇飯開仲揀嘢做。
Peter演「廢J」冇膽又要做殺,窮到冇飯開仲揀嘢做。

 

PeterAngela首次合作覺得未夠喉,因J」只是自行性幻想,同女神對手戲唔多,Peter笑言:「擺明係兵嚟,純FF,仲要FF完,以為自己做咗個好好嘅兵,應該係兵都不如《淪落人》嗰款都冇呀,哈哈可能係,掉垃圾呀係呀走先 bye bye 嗰種嚟嚴格嚟講係重感情線嘅,但係佢未必見得到嗰啲。」

 

Angela今次雖然再演靚女,但她認為角色好跳脫,對白亦好有趣。
Angela今次雖然再演靚女,但她認為角色好跳脫,對白亦好有趣。

 

Peter和Angela首度合作,兩人都覺得今次對手戲太少唔夠喉。
Peter和Angela首度合作,兩人都覺得今次對手戲太少唔夠喉。

 

望可以同星爺比較

Peter第一次孭飛做劇集男主角,他就借用早前首次孭飛劇集《大誠實家》蔡瀚億(BabyJohn)接受《頭條日報》訪問時答案,「佢好似又講咗我嘅心聲,我又係冇乜壓力,我哋已經完成咗嗰個段嘅任務,嚟緊就要睇佢出街後觀眾反應,呢套嘢係幾獨特,呢種獨特有幾多人鍾意唔係我哋去主,隨緣啦!」問到會否叫老婆留意鼻鼾,測試有冇壓力呢?他就搞笑話:「唔扯鼻鼾係完全睇我哋湊阿女湊得幾攰,哈哈睇佢玩得我幾甘嘅啫!」

早前BabyJohn接受《頭條日報》訪問,透露首次孭飛劇集《大誠實家》感受。
早前BabyJohn接受《頭條日報》訪問,透露首次孭飛劇集《大誠實家》感受。

 

對於《IT狗》、《飯戲攻心》和「廢J」都是毒L,Peter坦承都不明白為何製作都愛搵他這類角色,Angela就認為,「你演戲演得好囉!你飾演摺、毒好,你能力嚟嘅。」講到「廢J」同周星馳《國產凌凌漆》中角色幾類似,Peter就歡迎拿來比較,「如果係好呀,如果可以同星爺同level秤吖!我輸10萬丈遠都冇問題。」Peter仲打算在星爺社交平台留言,「我前有個image真係要扮佢,出咗之後我再DM佢,佢可能會話後生仔唔好再步我後塵,自己創新啦!」

 

周星馳在《國產凌凌漆》演特工「凌凌漆」,同樣好窮好騎呢。
周星馳在《國產凌凌漆》演特工「凌凌漆」,同樣好窮好騎呢。

 

視《廢J》為考牌作

對於《飯戲》票房已榮登香港史上華語片第2位,身為主演之一的Peter,就覺得心態上轉變,因他自覺是掹車邊,「我唔會覺得係我擔到嗰個票房,會視之為子華神擔到個票房,坐咗個順風車,純粹係太多人愛載子華哥,所以先會咁犀利。」反而《廢J》才算他的考牌作,所以特別期待睇。

Peter認為《飯戲攻心》票房大賣全靠黃子華,自己只掹車邊。
Peter認為《飯戲攻心》票房大賣全靠黃子華,自己只掹車邊。

 

憑《窄路微塵》先後獲金馬獎和電影評論學會提名的Angela,最開心聽到大量讚賞聲,「呢幾個月得到前所未有,或者成世以嚟畀人稱讚嘅總和,我諗同大家對我嘅期望低有關,我成世喺能力上都冇畀人讚過咁多次,通常讚個頭好細,對眼好大,都幾開心。」當中前輩黃秋生的稱讚,更令她興奮,「我喺金馬撞到佢,當刻冇機會直接傾偈,完咗喺酒會,佢就拋下兩句好嘢之類,再話有睇你啲嘢㗎嘩!開心到飛起,秋生哥原來喺啲學校分享度話有留意我呢個演員,勁開心!」她就坦承提名後,連其他人的態度都有轉變,「提名後有啲嘢係方便咗,例如我分享一啲Artistic feel時,大家會認真啲去看待,一年前講嘅嘢一樣,好似有返一啲重量咁,所以下個project我會嘗試表達多啲。」

Angela憑《窄路微塵》獲提名女主角,亦令大家更重視她的意見。
Angela憑《窄路微塵》獲提名女主角,亦令大家更重視她的意見。

 

黃秋生親自出席金馬獎,更憑《白日青春》捧走影帝。
黃秋生親自出席金馬獎,更憑《白日青春》捧走影帝。

 

新網站 www.stheadline.com 已推出

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

前亞視小生內地登台目露凶光突發火 網民竟一面倒叫好?與港姐老婆誕清秀囡囡

J2咪神豪宅慶祝30歲生日 有富商爸爸打本創業 曾與億萬闊少拍拖

Lucy 6歲生日大擺萌爆甫士一舉動晒家姐風範 Sucy被蛋糕吸引目不轉睛

TVB金牌監製劉家豪榮休!《逆天奇案2》埋彩蛋 代表作《溏心風暴》曾創50點收視

都市網新聞